Afmælishelgin

Þetta er búin að vera algjörlega frábær helgi.  Einsog ég [skrifaði um](http://eoe.is/gamalt/2007/08/17/09.20.31) þá átti ég stórafmæli á föstudaginn.  Í tilefni dagsins var ég með partý á B5 fyrir vini og fjölskyldu.  Fyrst fórum við nokkur saman útað borða á Argentínu en þjónustan þar var svo hæg að ég mætti hálftíma of seint í mitt eigið partý, sem var frekar vandræðalegt.

En partýið var algjörlega frábært.  Það mættu yfir 50 manns og margir voru á staðnum langt fram á nótt.  Þetta var skemmtilegasta afmæli sem ég hef haldið og því get ég ekki annað en verið ótrúlega ánægður.

* * *

Í gær fór ég svo með nokkrum vinum mínum í rafting ferð á Austari Jökulsá.  Einhvern veginn tókst mér að vakna eftir tveggja tíma svefn á laugardeginum og keyra með þeim alla leið í Varmahlíð.  Þetta var í fyrsta skipti sem ég hef farið í rafting og þrátt fyrir að þetta hafi verið pínu erfitt á tíma, þá var þetta alveg ótrúlega gaman.  Ég hef lengi ætlað að prófa að fara í rafting, en einhvern veginn hefur það alltaf klikkað þangað til núna.

Eftir rafting fórum við svo saman í sumarbústað þar sem við grilluðum og fengum okkur í glas.

* * *

Dagurinn í dag var svo næstum því hinn fullkomni fótboltadagur, nema það að [þessi](http://en.wikipedia.org/wiki/Rob_Styles) trúður [klúðraði](http://www.eoe.is/liverpool/gamalt/2007/08/19/16.57.59/) málunum.

One thought on “Afmælishelgin

Comments are closed.