Ó plís, getum við sóttum um ESB aðild núna?

Lesið þetta.

>Membership of the EU might help remedy many of the problems described above. The sharing of certain areas of government may improve the quality of decision-making. Having greater contact with decision makers in Europe may provide stimulus, criticism and points of comparison that may improve the quality of decisions. The rule of law may be strengthened. The adoption of the euro will provide monetary stability and lower interest rates.

>Iceland either has to move backwards to the time of capital controls or forwards into the EU. It needs to choose the latter option if it wants to stand a chance at keeping its well-educated young people from emigrating.

Evran er komin í 188.

Takk.

(p.s. Krónan er dáin!)

21 thoughts on “Ó plís, getum við sóttum um ESB aðild núna?

  1. Ég var á þjóðfundinum áðan á Arnarhóli og þá vældu allir um að ESB aðild myndi ræna Ísland fullveldinu og bla, bla, bla. Við erum einmitt miklu meira fullvalda þegar við getum ekki einu sinni keypt erlendan gjaldeyri!

    Ég hætti vð að vera á þjóðfundi og fékk mér latte á kaffitár í staðin….

  2. Nei, þá er einmitt basic að ganga í mjög stórt samband, verandi voða lítill, afsala sér löggjafarvaldi og auðlindum, láta mömmu og pabba flengja sig aðeins, fara í skammarkrókinn og fá síðan vasapening um ókomna framtíð.

    Það er alveg ástæða fyrir því að Bretar eru ekki sammála með þetta. Er ekki að segja að það megi ekki athuga þetta en það er ekki sniðugt að taka afdrifaríkar, óafturkræfar ákvarðanir í panikki. Eða velja bara eitthvað annað ástand af því að það hljóti að vera skárra en helvítis vesenið núna.

    Svona svolítið eins og að velja Vinstri græna í skoðanakönnun.

  3. Þjóðverjar sakna þýska marksins og segja að allt sé orðið dýrara og verra eftir að evran kom til sögunnar. Úbbs!

  4. Sjá líka hérna gengi evru.

    Samkvæmt þessu gengi þá kostar Café Latte á kaffihúsi í Stokkhólmi um 990 krónur. Takk fyrir. Venjulegt kaffi (sem ég drekk) kostar eitthvað aðeins minna.

    990 krónur!

  5. Erum við semsagt að tala um að afsala fullveldi og náttúruauðlindum fyrir ódýrt kaffi? Better be goood.

    S

  6. Oh brother!

    Er Þýskaland ekki fullvalda? En Finnland?
    Við munum ekki missa yfirráð yfir auðlindunum. Ef að það tækist ekki betur upp í samningaviðræðunum en svo, þá yrði umsóknin aldrei samþykkt. Því VERÐUR að láta á þetta reyna í samningaviðræðum.

    Þetta með kaffið er bara einn punktur til að fólk geri sér einhverja grein fyrir því að með þessu gengi verður það fullkomlega ófært fyrir venjulega Íslendinga að ferðast til útlanda eða læra þar á næstu árum.

    mér finnst líka svoldið stór munur á umræðu um upptöku evru og inngöngu í esb..

    Málin eru tengd. Við tökum ekki upp evru nema með inngöngu í ESB.

  7. Það er ekki hægt að taka upp evru einhliða svo við skulum bara gleyma því.

    Nota bene við erum semí búin að afsala löggjafarvaldinu með því að vera aðilar að EES. Innan Esb hefðum við amk e-h til málanna að leggja.

    Skil ekki afhverju fólk í þessari umræðu getur ekki komið með nein almennileg mótrök gegn ESB aðild…. Eins og dæmin sanna (t.d. í dæmi Finna) er auðveldlega hægt að semja um náttúruauðlindir. Við munum ekki missa fiskinn…. Það er klárt mál!

    Það er enginn að tala um að taka hvaða tilboði sem er. Fyrsta skrefið er að viðurkenna að Ísland er ekkert að standa sig allt of vel á eigin spýtum, við erum ekkert “merkilegri” eða “betri” en restin af Evrópu. Annað skref er að hefja alvöru aðildarviðræður, þriðja skerfið er svo að setja samninginn sem við fáum í hendurnar fyrir þjóðaratkvæðagreiðslu. Tarrrraaaa!

    Þetta er ekkert séstaklega flókið og snýst á ENGAN hátt um að afsala fullveldinu eða ekki. Þetta snýst um að taka alvöru afstöðu og gera sér grein fyrir því að hag okkar er miklu, miklu, miklu betur borgið innan ESB.

  8. skrítið hvað það eru allir vitlausir nema ungir jafnaðarmenn og samfó (sem á samt að mínu mati heimskastu ráðherrana, isg var td að mælast til einhvers sem er ekki hægt skv nýju lögunum sem segir mér bara að hún skilur ekki lögin sem hún var að samþykkja), það virðast bara enginn skilja hvað þetta er lítið flókið nema þeir:)

    en einar þetta sem þú sagðir með að ferðast minnir mig pinku áþað sem þú sagðir um daginn, að þú hefðir ekki tekið þátt í partýinu, þú ert búinn að ferðast meira en allir sem ég þekki (samanlagt) síðustu árin, á alltof sterkri krónu

  9. Nei, færa má sterk rök fyrir því að þegar þú hefur ekki löggjafarvald (neyðist til að taka lagabálk annars lands / sambandsríkis óbreytt upp í þinn rétt og allar frekari breytingar án umsagnar) sért þú ekki fullvalda ríki. Ekki í skilningi stjórnskipunar.

    Við missum að sjálfsögðu hluta af yfirráðarétti yfir auðlindum okkar. Þannig þurfum við að leyfa fiskveiðar í okkar lögsögu, líklega spænska dalla t.d., án þess að hafa neitt um það að segja.

    Gengið mun líklega lagast mjög hratt með nýju lögunum síðan í síðustu viku. En í stað þess að hafa áhyggjur af því að íslendingar geti ekki ferðast og lært (þeir sem ferðuðust ódýrt tóku n.b. þátt í góðærinu) ættir þú að hafa meiri áhyggjur af því að Íslendingar eru að brenna allar brýr að baki sér á alþjóðlega vísu með stórkostlegri eignafrystingu á c.a. 1000 milljörðum sem eru inni í kerfinu um óákveðinn tíma, að halda ekki úti viðskiptavakt á gjaldmiðil (sem er ekkert annað en ríkispappír) sem við gefum út hérna, banna erlenda fjárfestingu og almennt fokka útlendingum gjörsamlega upp sem áttu eða ætluðu að eiga einhverra hagsmuna að gæta hér. Snjallara hefði verið að díla við skammtímavandamál innanlands í útibúum bankanna, hæg eru heimatökin þar sem þeir eru allir ríkisbankar núna.

    En bottom line: Mér þætti sorglegt ef við tækjum einhverjar stórar ákvarðanir, hvort sem það er um ESB eða annað, án þess að kynna okkur kosti og galla og taka upplýsta ákvörðun. Reynslan sýnir að fylgi við inngöngu í ESB byrjar oft sterkt og minnkar svo eftir því sem fólk fær meiri upplýsingar. Hvernig sem það endar svo.

    Ákvörðun sem er tekin í flýti, án þess að kynna sér málin, er heimskuleg ákvörðun.

    S

  10. og fyrst ég er byrjuð að tuða hérna þá ætla ég að spá brestum í evru-myntbandalaginu á næstu mánuðum

  11. Katrín, ég skil þig ekki alveg. Ég er nú búinn að lesa bloggið þitt nógu lengi og við höfum verið kærustupar nógu lengi til þess að ég viti að þú ert klár.

    Hvað hefurðu á móti ESB aðild?

    Það er alveg ljóst að við munum ekki taka upp neina aðra mynt en evruna. Það hefur verið margoft sýnt fram á að hún er eini raunhæfi kosturinn ef taka á upp aðra mynt. Krónan er algjörlega dáin, einsog þessar reglur um gjaldeyrisviðskipti frá því í síðustu viku sýna klárlega.

    Hvað vilt þú þá gera? Hvað hræðir þig svona við ESB?

    Varðandi síðasta kommentið þitt. Þvert á móti, þá virðist nú vera áhugi hjá nýjum löndum (einsog Sviss og Bretlandi) að bætast við Evru samstarfið.

    Og ef þú heldur það að fara í bakpokaferðalag og gisting á sveittum og skítugum gistiheimilum í vanþróuðum löndum hafi verið að taka þátt í partíinu, þá leggjum við ekki sama skilninginn í hugtakið.

    Scweppes. Grundvallaratriðið er að þrætan um ESB er vonlaus hérna heima, því hún stendur aðallega á milli fólks sem að vill hefja aðildarviðræður og fólks sem að vill ALLS EKKI fara í ESB sama þótt að hver Íslendingur fengi 1 kíló af gulli við inngöngu.

    Það er alveg ljóst að stuðningur við ESB er nægur til að fara í aðildarviðræður. Það er það eina sanngjarna í stöðunni. Um leið og þær eru búnar, þá getum við rætt málið á forsendum þess samnings sem við náum. Þá geta þessar fylkingar breytt sér í eðlilegar “JÁ” og “NEI” fylkingar.

    Á meðan að umræðan um ESB byggist á sleggjudómum um það hverju við náum ekki útúr aðildarviðræðunum, þá verður hún alltaf takmörkuð.

    Og ef að Danir, Svíar, Finnar, Þjóðverjar, Bretar, Frakkar, Spánverjar, Ítalir og Pólverjar sætta sig við ögn minna fullveldi fyrir alla þá kosti sem ESB aðild fylgja, þá er ég svo sannarlega til í það líka.

    En í stað þess að hafa áhyggjur af því að íslendingar geti ekki ferðast og lært…ættir þú að hafa meiri áhyggjur af því að Íslendingar eru að brenna allar brýr að baki sér á alþjóðlega vísu með stórkostlegri eignafrystingu á c.a. 1000 milljörðum

    Þetta snýst ekki bara um ferðalög, heldur verðlag á nánast öllum vörum á Íslandi. Ef að þú ert tilbúinn að einangra þig og hætta að senda fólk útí nám og slíkt, þá er það þitt mál.

    Málið er líka að þessar reglur eru settar (þótt ég sé mótfallinn þeim) vegna þess að við erum með fullkomlega ónýtan gjaldmiðil. Ef þú ert sáttur við það, þá get ég varla breytt skoðun þinni. En ég er það ekki. Þess vegna vil ég ganga í ESB.

  12. Og gleymið ekki að þið sem eruð á móti ESB munið alltaf fá tækifæri til að segja NEI í þjóðaratkvæðagreiðslunni um inngöngu. Það er nauðsynlegt fyrir Ísland og hreinlega sanngirnismál að við fáum líkt og aðrar Norðurlandaþjóðir að kjósa um inngöngu í ESB.

  13. það var MRS sem kom með þá komment að þetta væri ekki flókið og jadíjadí (þó maður sé ekki sammála, þá þýðir það ekki að maður komi ekki auga á hinn punktinn)

    þú hefðir ekki getað gist á sveittum og skítugum gistiheimilum ef nóttin hefði kostað alltof mikið (og kaffibollinn 990kr)..

    en pointið hjá mér og scweppes (sem höfum hvorug sagst vera á móti esb) er að það á ekki að taka svona mikilvægar ákvarðanir núna, af því allt er svo ógeðslega fucked

  14. Katrín, það mátti ekki sækja um aðild að ESB þegar að allt var í bullandi þenslu. Og núna má ekki taka ákvörðun um aðild að ESB þegar að allt er í fokki.

    Hvenær nákvæmlega má taka ákvörðun um aðild að ESB?

    Málið er að langbesta leiðin útúr þessum vandræðum er að lýsa því yfir að við ætlum á endanum að taka upp evru. Það hefur engin trú á krónunni og því er eu litlar líkur á að hún lagist nema að erlendir aðilar treysti því að henni verði innan nokkurra ára skipt út fyrir evru.

    Og það að benda á að hlutirnir séu ekki flóknir er ekki árás á gáfnafar þess sem maður ræðir við. 😉

  15. Þeir sem eru mikið í gjaldeyrisviðskipum, hvort heldur sem afleiðuviðskipum eða gjaldeyrissöfnun nota söguna mikið til að spá fyrir um hvort gjaldmiðill fer upp eða niður.

    Nú þegar Ísland hefur sannað það að það getur ekki stutt bakvið gjaldmiðilinn sinn þá er tvennt í stöðunni, banna að Íslensk fyrirtæki nái ákveðinni stærðargráðu, þ.e. stöðnun upp fyrir ákveðið stig og flótti úr landi eða búa alltaf við þá staðreynd að árás á krónuna gæti komið á hverri mínútu og stöðuleiki á Íslandi er enginn.

    Ég skil ekki hvernig þetta getur verið spennandi framtíðarsýn.

    Varðandi það sem Scweepes segir ítrekað um lagabálkinn þá erum við hvort sem er að taka upp lög og reglur ESB gegnum EES samninginn, svo við erum ekki fullvalda lengur hvort er í þeim skilningi. Við höfum engu að tapa að ræða málin, í versta falli fá erlendir fjárfestar tiltrú á Íslandi á meðan við erum í aðildarviðræðum, sem við getum tafið í svona 3 til 5 ár. Og svo sjáum við til hvort þjóðin vill fá þetta yfir sig, og þær kosningar yrðu aldrei fyrr en eftir svona 2 ár sennilega í fyrsta lagi.

    Ég spyr aftur eins og Einar, hvað er svona slæmt við að fara í aðildarviðræður?

  16. Við höfum:
    hæstu verðbólgu sem finnst í vestrænu ríki. hæstu stýrivexti sem finnast í vestrænu ríki. atvinnuleysi sem fer hækkandi. hækkandi vöruverð. Ónýtan gjaldmiðil. Landið er orðið skuldugasta vestræna land heims per íbúa..etc..

    Mig langar bara að vita eitt!

    Hvernig getur ástandið orðið verra innan ESB?? Schwepps, þú svarar því kannski..

    Við gengum í EES sem er það besta sem Íslensk þjóð hefur gert. EES var ekkert nema biðstofa fyrir ESB en flestir sem voru aðilar þar hafa gengið í ESB en við sitjum eftir…

    P.S… mitt kaffi dæmi.

    Tengt minni vinnu þá þurftum við varahlut sem kostaði 42þ. áður. Þessi hlutur kostar núna 107þ svo sjá má að þetta mun eiga við allar vörur sem þarf að flytja inn.. Þetta er rétt að byrja. Fólk áttar sig ekki á hversu slæmt ástandið er meðan við lifum enn á gömlu byrgðunum, en þetta fer að breytast.

    Það þarf bara að vera hægt að lifa á þessu landi og eina leiðin er með stöðugri gjaldmiðli, evru og þar af leiðandi inngöngu í ESB.

    Æji, maður er orðinn helvíti leiður á þessum frösum “þurfum að ræða þetta, skoða þetta, kanna þetta” sem hafa verið í gangi síðastliðin ár. En við bíðum og bíðum og bíðum og ekkert gerist… og alltaf sökkvum við dýpra.

  17. segir þetta ekki meir um samfylkinguna en nokkuð annað, þeim líður svo vel í stjóra stólunum og vilja engu breyta.

    Ráðherrar Samfylkingarinnar kjósa þögnina þessa dagana. Fréttaviðtalsþættir Stöðvar 2 hafa reynt að fá Össur Skarphéinsson í viðtal í fimm vikur … án árangurs. Reynt hefur verið við Jóhönnu Sigurðardóttur í þrjár vikur … án árangurs. Sömuleiðis Þórunni Sveinbjarnadóttur. Mannamál hefur staðið Ingibjörgu Sólrúnu opið í fimm vikur … án árangurs – og ekki einu sinni hefur borist svar frá aðstoðarmanni. Sömuleiðis hefur Björgvin G. Sigurðsson neitað komu í Mannamál í álíka tíma.

    Þetta er fólkið sem þráfaldlega segist þurfa að upplýsa þjóðina betur.

    Ég segi eins og Steingrímur Joð: Éttann sjálfur …

    -SER.

Comments are closed.