« Ó nei! | Aðalsíða | Ömurlegt! »

Ó nei!

nóvember 09, 2002

Það er ótrúlegt hvað maður er fljótur að gleyma öllum góðu hlutunum þegar Liverpool tapar. Ég horfði á leikinn í dag og það var hörmung. Ég hefði frekar átt að eyða tímanum í að skera papriku á Serrano.

Mér finnst reyndar Liverpool alltaf tapa á Riverside. Ef ég man rétt, þá fékk Westerveld boltann í gegnum klofið í 1-0 tapi þar fyrir 2 árum. Nú var það Dudek, sem gerði mistök (reyndar fyrstu afdrifaríku mistökin, sem ég hef séð hann gera).

Það magnaðasta við þetta allt er dýrkun Gerard Houllier á Emile Heskey. Hann var á kantinum allan leikinn og gat ekki neitt. Ég var farinn að hrópa á Milan Baros en Houllier setti hann ekki inn fyrr en Liverpool voru komnir undir 5 mínútum fyrir leikslok. Ég vona að þetta verði ekki einn af þessum hrikalegu mánuðum fyrir Liverpool. Síðustu tímabil hafa þeir unnið alla leiki 8 mánuði ársins en svo tekið einn mánuð fyrir og tapað hreinlega öllu. Ef þeir forðast slíkan mánuð, þá verða þeir meistarar.

Jæja, ég verð því víst bara að drekka sorgum mínum og rölta svo niður í miðbæ.

Einar Örn uppfærði kl. 22:11 | 185 Orð | Flokkur: Liverpool & Íþróttir



Ummæli (3)


Í kveld átti ég í samræðum við einn Ástrala sem vildi meina að flest allir Skandinavar styddu Liverpool. Ég sagði honum bara að hann væri kúl, jafnvel þótt það væri kannski ekki alveg heilagur sannleikur og að ágætis slatti væri farinn að styðja Man. Utd. …þá vildi hann meina að það væri bara eftir nýfenginn frama á síðustu 10 árum og það gætu með engu móti verið sannir aðdáendur? With a little bit of ah ah with a little bit of ah …it’s getting hot in here … :-)

Jensi sendi inn - 10.11.02 07:11 - (Ummæli #1)

And a little bit of ah ah

Einar Örn sendi inn - 10.11.02 18:29 - (Ummæli #2)

:-) hello this place is weird i dont no what it is and i am not from iceland but it is cool

hello sendi inn - 17.06.03 12:33 - (Ummæli #3)

Ummælum hefur verið lokað fyrir þessa færslu