« Norður Kórea og leikjafræði | Aðalsíða | Crash »

Fallegir fossar og virkjanir

12. janúar, 2003

setequedas.jpgFyrir nokkrum árum heimsótti ég stærstu virkjun heims, Itaipu virkjunina í Paragvæ. Þessi virkjun býr til nær allt rafmagn, sem Paragvæar þurfa og yfir fjórðung alls afls, sem Brasilíumenn neyta (en Brasilíumenn eru 172 milljónir).

Til að búa til þessa virkjun varð að skapa uppistöðulón, sem er 1350 ferkílómetrar. Undir vatninu í þessu lóni eru m.a. fossar, sem margir segja að séu fegurstu fossar í heimi, hinir brasilísku Sete Qudas (íslenska: Sjö fossar, sjá mynd).

Á ferðalagi mínu um Suður-Ameríku heimsótti ég meðal annars Iguazú fossa og er það enn þann dag í dag sú mesta náttúrufegurð, sem ég hef á ævi minni séð (auk saltvatnanna í Bólivíu). Það eru hins vegar flestir, sem voru svo heppnir að sjá Sete Quedas og Iguazú, sammála um að Sete Quedas hafi verið ennþá stórfenglegri.

Einhvern veginn fannst mér alveg ótrúlega sorglegt núna þegar ég var að leita mér að upplýsingum um þessa fossa. Að sjá þessa gríðarlegu náttúrufegurð og vita til þess að það sé búið að eyðileggja þetta allt. Að þessir ótrúlegu fossar séu núna faldir undir einhverju uppistöðulóni.

Eran siete, Siete Cascadas que nunca más vieron el sol, Siete Cascadas ahogadas que la mano de acero del dragón capturó. Siete círculos de llanto que toda la región inundó.
Einar Örn uppfærði kl. 22:45 | 209 Orð | Flokkur: Ferðalög



Ummæli (3)


Mér finnst þetta nú ekki alveg sambærilegt. Það er ekki verið að búa til hundruð ferkílómetra stórt vatn og reisa 7 km langa virkjun! (talandi um verkfræðinga með megalomaniu)

Hvað um það, ég held samt að Egyptar eigi heimsmetið í virkjanaafleiðingum, þegar þeir ætluðu að sökkva miklum hluta af sögu Forn-Egypta - sem bjargaðist með einhverjum mestu “menningarflutningum” sögunnar.

Ágúst sendi inn - 13.01.03 00:52 - (Ummæli #1)

Ég minntist ekki einu orði á Kárahnjúka, ef þú ert að vísa í það Ágúst! :-)

Ég held bara að mjög fáir viti af þessum fossum og fannst því kjörið að segja frá þessu. Það er nefnilega hætt við því að þessir fossar muni alveg gleymast. By the way, á þessari síðu eru fleiri myndir af þeim (neðst á síðunni)

Einar Örn sendi inn - 13.01.03 09:28 - (Ummæli #2)

Kárahnjúkavirkjun er fráleit framkvæmd með tilliti til náttúrunnar sem þar verður eyðilögð til eilífðar. Bara til þess að ítreka…

Ragnar sendi inn - 13.01.03 18:07 - (Ummæli #3)

Ummælum hefur verið lokað fyrir þessa færslu