« Björn Bjarna og Ann Coulter | Aðalsíða | Kertafleyting »

Kóka Kóla

ágúst 05, 2003

Ég komst að alveg magnaðri staðreynd um Ísland í dag. Þannig er að hér á landi er ekki selt eitt einasta lyf við ælupest! Ég er búinn að vera svo heppinn að hafa verið ælandi frá 3 í morgun til 18 í dag. Um 2 leytið tókst mér að safna nægri orku til að labba útí Apótek. Þar fékk ég hins vegar þau svör að eina lyfið, sem væri til, væri Kóka Kóla.

Í Bandaríkjunum hef ég notað Pepto Bismol til að lækna magapínu en það fæst af einhverjum ástæðum ekki hér á landi (ábyggilega vegna þess að einhver Svíi sagði okkur að það gæti verið skaðlegt). Ég rölti því útí Melabúð og keypti mér Kók. Sem væri kannski ekki merkilegt nema fyrir það að ég hef ekki drukkið gos í 5 ár. Ég keypti mér einn lítra af kóki og hellti því oní mig.

Ég verð að játa það að mér fannst kókið ekkert sérstakt. Það hjálpaði þó til við að lækna magapínuna. Ég held að ég haldi mig bara við vatnið áfram.

Einar Örn uppfærði kl. 20:59 | 174 Orð | Flokkur: Dagbók



Ummæli (4)


hmmm

ég hélt þú væri Pepsi maður?

Annars er Pepto Bismol bara of bleikt fyrir Ísland - en það virkar.

bio sendi inn - 06.08.03 10:42 - (Ummæli #1)

Jamm, auðvitað er ég Pepsi maður. :-) Málið er bara að ég held að Pepsi sé ekki hugsað sem magalyf, líkt og Kók var í upphafi.

Annars sé ég að íslensk-ameríska er með Pepto Bismol, það er framleitt af Procter & Gamble. Spurning um að spyrja þá bara.

Einar Örn sendi inn - 06.08.03 12:26 - (Ummæli #2)

endilega…

getur þá selt mér 2-3 flöskur í umboðssölu.

bio sendi inn - 07.08.03 14:01 - (Ummæli #3)

Canada Dry er líka gott fyrir mallann, það gerir engiferið…

Barock sendi inn - 08.08.03 13:58 - (Ummæli #4)

Ummælum hefur verið lokað fyrir þessa færslu