« MT uppfærsla | Aðalsíða | Köln »
Vinna=Spennó, Einkalíf=leiðinlegt
Jedúddamía hvað það er lítið að gerast í mínu lífi utan vinnu. Síðustu vikur hafa verið mjög spennandi, skemmtilegar og erfiðar í vinnunni en utan vinnu hefur nánast ekki neitt gerst.
Jú, hélt starfsmannapartý Serrano hérna á föstudaginn, sem var alger snilld. Fyrir utan það hefur nánast ekkert gerst. Það er hálf skrítið að hafa ekkert að gera á kvöldin núna þegar mesta íbúðarvesenið er búið í bili.
Þegar vinnan spilar svona stóran hluta í lífi manns, þá er nú ekkert ýkja spennandi að halda úti þessari vefsíðu. Flestallt af því, sem ég geri í vinnunni vil ég ekki tala um, og auk þess efa ég að það yrði mjög spennandi.
Á morgun er ég að fara á ISM, sem er stærsta sælgætissýning í heimi, haldin í Köln. Það er tiltölulega stutt síðan ég var í Köln síðast og þetta er svosem ágætisborg. Höfum smá tíma lausan og ætli maður versli ekki eitthvað en það er fullt af skemmtilegum búðum í miðbænum.
Ok, þessi færsla er leiðinlegri en ég þorði að trúa. Vonandi hef ég eitthvað meira spennandi að skrifa um þegar ég kem heim.
Ummæli (4)
góða ferð dúllan mín …það er von okkar sem að færslu þessari stöndum að væ-fæ höbbinn þinn verði kominn í lag við heimkomuna.
þinn ævinlega fullur og sorglegur og ný-kominn úr jafnaðarmannapartíi og alveg sjálfsagt að fara að lúlla mjög svo sorglega drukkinn,
Blessaður Einar. Köln er eðal borg, að mínu mati ein sú allra skemmtilegasta í Þýskalandi. Ef þú ert þarna í einhverja daga þá eru pottþétt góðir tónleikar þarna eitthvert kvöldið. Keyptu þér blað sem heitir Prinz, fæst allstaðar og kostar 1 evru og þar er að finna allt sem í boði er þann mánuðinn. Þar er líka sú stærsta plötubúð sem ég hef heimsótt (Saturn, Underdog) og beint á móti henni er búð með notaðar plötur og svo önnur sem er full af góðri jaðartónlist.
Takk fyrir þetta, nafni. Ég var einmitt að velta fyrir mér þessum skorti á tónlistarbúðum þarna. Fann eina stóra raftækjabúð og þar voru seldir tölvuleikir og dvd en engin tónlist. Fannst það frekar skrítið. Kíki á þessa búð þegar ég fer þangað næst.
Ummælum hefur verið lokað fyrir þessa færslu
Nei, mér fannst færslan á undan þessari leiðinlegri. Mjótt á mununum þó.