May 26 2007
Um Mig
Ok, ég er semsagt Einar Örn – 34 ára. Ég er útskrifaður hagfræðingur frá Northwestern háskóla í Chicago og ég á ásamt vini mínum veitingastaði Serrano.
Ég bý ásamt eiginkonu minni, Margréti Rós, í gamalli og fallegri íbúð á Södermalm í Stokkhólmi. Ég vinn sem framkvæmdastjóri Serrano staðanna í Svíþjóð, en þeir eru 4 í dag.
Ég byrjaði að blogga á þessari síðu árið 2000 – og hef haldið þetta út án hlés allan þennan tíma. Bloggið hefur þróast mikið á þeim tíma og vonandi batnað líka. Ég blogga hérna um pólitík, ferðalög og í raun allt annað sem mér dettur í hug.
Ég held utan um ferðalögin mín hér en á síðustu ferðum hef ég skrifað hingað inn nokkuð ítarlegar ferðasögur. Einhverjir hafa haft gaman af þeim og það hefur haldið manni við efnið.
Þú getur sent mér póst, skoðað myndirnar mínar eða fylgst á Twitter.