Æ!
Er svona um það bil að ná mér eftir frekar slæman þynnku dag. Þegar Eldsmiðjupizzan kemur eftir hálftíma, held ég að ég nái fyrri styrk. Var í matarboði með góðum vinum í gær. Það var helvíti skemmtilegt. Allir strákarnir urðu allavegana nokkuð ölvaðir og vorum við gríðarlega hressir til svona 4-5 um morguninn þegar ég fór heim. Fór ekki einu sinni í bæinn, sem telst til tíðinda.
Horfði á Liverpool vinna í morgun. Öskraði þegar Mellor skoraði og það var nú ekki beint til að bæta hausverkinn. Ákvað að leggja mig eftir leikinn.
Er að reyna að berja í mig eitthvað jólaskap, en það gengur erfiðlega. Hér eru hvorki skreytingar né jólatré, en ég er búinn að vera að spila jólalög og borðaði eitthvað af smákökunum, sem mamma bakaði. Samt, kemst ekki í stuð. Er ekki búinn að kaupa eina jólagjöf og sýnist allt stefna í að ég kaupi jólagjafirnar á Þorláksmessukvöld einsog svo oft áður.
Já, og ég er bara kominn með [35 rétt svör](http://www.xfm.co.uk/Article.asp?b=multimedia&id=55665). Ferlega er þetta erfitt.
Þetta er erfitt já en ekkert smá skemmtilegt. Er komin með 52 hérna.
Guð blessið þennan cookies fídus því ég var að deyja úr pirringi í gær því það voru nokkrar plötur sem að ég vissi alveg hverjar voru en var ekki að finna nafnið á.
Galli í þessu að hún segi manni ekki þegar að artisti er réttur.. því þá gæti maður giskað á plötunöfnin auðveldar.
Með smá hjálp góðra manna er ég kominn í 64. Maður verður að ná fullu húsi…
Humm… í fyrstu atrennu er ég bara með 6 rétt… ætla að reyna aftur síðar því ég þekki fleiri þarna…
Þetta er komið 🙂
Jájá – nú væri gaman ef javascriptið til að senda inn svörin virkaði…
Ég eipa.
Palli, hjá mér virðist þetta ekki virka nema í Explorer. Java dæmið virkar til dæmis ekki í Firefox.
Og Björgvin, til hamingju 🙂
Þakka hamingjuóskir. Finnst maður samt þurfa á slíkum óskum að halda. Það er ákveðið geðveikismerki að eyða svona miklum tíma í að klára þetta helvíti.