Þetta er [gríðarlega hressandi](http://64.233.161.104/search?q=cache:FrskP6XfKRkJ:www.alcoa.com/brazil/en/news/whats_new/2005_10_06.asp%253FinitSection%253D1000%2B&hl=is&gl=is&ct=clnk&cd=1&client=firefox-a)!:
Þetta er tekið úr viðtali við forsvarsmann Alcoa í Brasilíu
>But the agreed price — 30 dollars per megawatt-hour — was far from ideal. In Iceland, the company pays half that.
Semsagt, Alcoa borgar helmingi hærra verð fyrir orku í Brasilíu en á Íslandi. Skál fyrir því.
(og þeir borga líka 8 sinnum minna en við Íslendingar borgum fyrir okkar eigin rafmagn)
[via](http://www.malbein.net/pallasgeir/?p=149) (greinininni var eytt útaf neti Alcoa, en Google á [afrit](http://64.233.161.104/search?q=cache:FrskP6XfKRkJ:www.alcoa.com/brazil/en/news/whats_new/2005_10_06.asp%253FinitSection%253D1000%2B&hl=is&gl=is&ct=clnk&cd=1&client=firefox-a).
Þetta er ekki einu sinni fyndið hvað þetta er sjúkt. Að við skulum selja okkur svona ódýrt til að fá fyrirtæki eins og Alcoa og Landsvirkjun/OR til að sulla yfir náttúruna okkar 🙁
Afsakið smámunasemina, en þeir borga ekki helmingi hærra í Brasilíu en á Íslandi – þeir borga tvöfalt meira. Það er líka hægt að segja að þeir borgi helmingi minna á Íslandi en í Brasilíu.
En já, algjört grín verð. Engin furða að Valgerður vilji virkja meira – ríkið er ekki að fá nóg mikinn pening fyrir megavattstundina eins og stendur.
Sérkennilegt að þeir skuli fara svona frjálslega með leynilega samninga…
Á hinn bóginn er rétt að nefna að á Íslandi er startup-cost & salaries – far from ideal. Ætli það hlutfall sé ekki 1/5 – 1/10 samanborið við Brasilíu…
En sá kostnaður skiptir kannski ekki svo miklu máli in the long run.
Það segir sig sjálft, með einfaldri Ricardo hugsun, að forsenda fjárfestingar á Íslandi í álverum er raforkuverðið (og auðvitað t.d. skattaumhverfið). Í álversiðnaði eru tvær breytur sem skipta meira máli en nokkuð annað, súrál og rafmagn. Allir aðrir einstakir þættir eru undir skekkjumörkum næstum því hvað varðar kostnaðarliðinn. Hitt sem skiptir máli auðvitað, er rekstrarumhverfið sjálft, hversu auðvelt/erfitt er að fá þjónustu fyrir álverin. Þar aftur er Austurland skiljanlega verr í sveit sett en þeir tveir staðir þar sem álver voru fyrir. “Aðleiddu störfin” telja nefnilega í sumum tilfellum meira en beinu störfin. Ómæld verktakavinna fer fram og þar kemur Ísland aftur vel út, m.v. áður fyrr, þar sem Ricardo myndi aftur segja okkur að það hljóti að vera jákvætt að hafa t.d. verkfræði- og þjónustufyrirtæki í landinu sem geta þjónustað álverið um (oft á tíðum) mjög sérhæfða þætti.
Svo má heldur ekki gleyma að þó Lula hafi reynst pragmatískur leiðtogi, er stjórnmálaástandið allt annað í löndum einsog Brasilíu (þar sem nýjustu álverin voru byggð 1982 og ’85). Í Argentínu var eina álverið stækkað 1999, rétt fyrir kreppuna. Athyglisverða uppbyggingin nýlega hefur hinsvegar verið í Mósambík, af öllum stöðum, þar sem suður-afrískir fjárfestar hafa byggt hinum megin við landamærin (en fá raforkuna frá S-Afríku). Annars hafa álver verið byggð á undanförnum árum (auk fyrrnefndra landa auk Íslands) í Suður-Afríku (1994), Kanada (Alcan 2000), Íran (1997), Bahrein (stórfelldar stækkanir 1994 og 2005) og Indlandi (2005) auk þess sem gamalt álver í Sunndal í Noregi var endurnýjað og í eina álverið í Argentínu var stækkað.
Alcoa hefur hinsvegar lokað eða minnkað framleiðslu í mörgum álvera sinna í USA, líkt og aðrir framleiðendur, sérstaklega í Washington ríki, aðallega vegna orkuskorts eða orkuverðs.
Mér finnst fólk segja að bók Andra Snæ, Draumlandið hafi vakið umræðu, en ég hef ekki heyrt neinn ræða þessu þar sem ég ferðast. Í mogganum sýnist mér að það hafi bara birst fáeinum greinum.
Væri ekki einn möguleiki til að efla umræðuna að gera samantekt á hvað komi fram í bókinni og setja fram á vefsíðu og birta svo rökin á móti ?
Einn vettvangur sem ég held að gæti virkað þokkalega vel er wikipedia. Það er til einhverskonar beinagrind að svoleiðis síðu þar. Hvet mönnum til að bæta við aðalsíðunni og etv búa til nýja síðu um umræðunni um bókina eða fylla inn á síðu sem gæti fjallað um Virkjanmál og umræðan meira almennt.
http://is.wikipedia.org/wiki/Draumalandið_-_sjálfshjálparbók_handa_hræddri_þjóð