U2 miðar

Ég hef nú oft kvartað undan Ticketmaster, en það sem ég lenti í í morgun var án efa mesta geðveikin. Ég ætlaði að kaupa miða á U2 tónleika, sem verða 12. maí hér í Chicago. Svo auðvitað komst ég ekkert inná síðuna því það var alltof mikið að gera. Ég gafst loks upp um 25 mínútum seinna, því þá var örugglega orðið uppselt. Ég var svo eitthvað að dunda mér á netinu og um 11 leytið kíkti ég aftur á Ticketmaster.

Þá kom í ljós að U2 verða með aðra tónleika og það var byrjað að selja miðana á þá tónleika. Ég reyndi aftur en það var það sama, allt var orðið uppselt. Svo klukkan 20 mínútur yfir 11 gafst ég upp og fór aftur á aðalsíðuna og sá þá að það var búið að bæta við þriðju tónleikunum, sem byrjað var að selja á klukkan 12 mínútur yfir 11. Ég dreif mig yfir á pantanasíðuna og þá tókst mér loksins að næla mér í 2 miða. Þannig að 15. maí erum við Hildur að fara að sjá U2 í United Center. Það verður snilld!

Á leið út

Núna eru bara 4 tímar þangað til að ég á flug út til Boston, og svo tengiflug þaðan til Chicago. Þetta jólafrí er náttúrulega búið að líða alveg fáránlega hratt.

Gamlárskvöld var frábært, ég hef sjaldan eða aldrei skemmt mér jafnvel á gamlárskvöld. Við Hildur fórum í tvö partí hjá vinum og svo fórum við með nokkrum vinum á Astró, þar sem var alveg meiriháttar gaman. Kvöldið var alger snilld.

Á miðnætti

Mér datt eitt í hug áður en ég hætti á þessu ári. Ég lýsi því yfir að sá maður, sem bloggar á miðnætti í kvöld er hetja.

Gleðilegt ár

Í lok árs

Annars er ekki gott að enda árið á pólitískri færslu, því ég er í alltof góðu skapi. Ég óska bara öllum gleðilegs árs. Vonandi hafið þið það sem allra best á nýju ári.

Hroki

Ég veit að ég á ekki að vera að gagnrýna Ágúst Flygenring, þar sem ég er viss um að hann lifir á því að fólk sé að hneykslast á honum. Ég hef hins vegar komist að því að hann er með ólíkindum hrokafullur.

Til dæmis vil ég benda á skoðanakönnun hans um hver sé “skástur” forseta Bandaríkjanna á þessari öld. Með þessu orðavali, að tala um skásta forsetann er hann að segja að í raun sé enginn forseti, sem geti talist góður á þessari öld. Hann segir að enginn sé bestur, heldur bara skástur. Þetta er ótrúlegur hroki, sem er alltof algengur hjá Íslendingum og Evrópubúum gagnvart Bandaríkjunum.

Fyrirgefðu, en er FD Roosevelt ekki bara nokkuð góður forseti (ég kaus hann), maðurinn, sem leiddi Bandaríkjamenn útúr mestu kreppu þessarar aldar? Var það ekki nokkuð gott hjá Truman að koma á Marshall aðstoðinni? Reyndar þá minnist Ágúst ekki einu sinni á menn einsog Richard Nixon (sem m.a. hóf samskipti við Kína, þrátt fyrir að hann hafi gert önnur mistök), LB Johnson og Gerald Ford. Er það ekki bara nokkuð gott hjá Reagan að enda í raun kalda stríðið? Og er það ekki bara nokkuð gott hjá Bill Clinton að stýra Bandaríkjamönnum í gegnum 8 ára uppsveiflu? Ágúst segir um Clinton:

Svo má ekki gleyma að honum mistókst ekki að stýra Bandaríkjunum í gegnum eitt mesta góðæri síðustu áratuga.

Hvers konar bull er þetta eiginlega? Þetta er gríðarlegur og óþolandi hroki hjá dreng, sem kann ekki einu sinni að stafa “Roosevelt”.

4-0

Ég sé að það er nú ekki mikið búið að vera um skrif á naggnum undanfarið. Ég er búinn að vera á kafi í vinnu og því hef ég litlum tíma eytt í að skoða netið. Ég ætla bara að minna alla Arsenal aðdáendur á það hvernig leikurinn í morgun fór.

4-0

Takk fyrir

Vinna

Það er nú ekki margt spennandi búið að gerast síðan ég kom heim til Íslands. Helgarnar hafa jú verið skemmtilegar, en virku dagarnir hafa verið alger geðveiki. Ég er búinn að vera frá 8 á morgnana til 11 á kvöldin að vinna, aðallega í að klára heimasíðuna fyrir Danól. Ég er búinn að taka niður gömlu síðuna og setja skilti í staðinn, svo það sé auðveldara að taka til í gömlu síðunni. Ég ætla mér að hafa síðuna tilbúna fyrir fund kl. 8 á föstudgagsmorgun. Ég vona að það hafist.