Ég rakst á þessa síðu, stigur.com. Útlitið er flott.
Dancer In the Dark
Ég sá Dancer In the Dark úti í Danmörku. Myndin er snilld. Ætli ég skrifi ekki pistil um hana á Hrekkjusvín.
Danmörk
Jæja, þá er bara nokkuð langt síðan ég bloggaði síðast. Ástæðan fyrir því er að ég er búinn að vera í Danmörku síðustu daga. Fór með sölumönnum úr vinnunni í heimsókn til höfuðstöðva Stimorol, sem eru í Vejle á Jótlandi.
Við fórum á laugardaginn til Köben, þar sem við eyddum deginum á rölti um borgina. Um kvöldið fórum við svo í tívolí og svo fóru þeir yngstu út á djammið. Á sunnudag tókum við svo lest til Vejle. Á mánudag fórum við allir með sölumönnum Stimorol í ferð um búðir í nágrenni Vejle. Síðasta daginn sátum við svo fundi með markaðsstjóra Stimorol og skoðuðum verksmiðjurnar. Þetta var mjög skemmtileg ferð. Ég hvet svo bara alla til að kaupa Stimorol og V6.
Perl og CGI
Ég er búinn að eyða góðum tíma í dag í að grúska í Perl og CGI. Og niðurstaðan? Ég er búinn að fatta að ég veit ekkert í minn haus. Ég er farinn heim að sofa.
Owen!
Owen er mættur aftur! Sex mörk í þremur leikjum er ekki slæmt. Á vef BBC er fjallað um hvernig honum hefur tekist að ná sér á strik á ný eftir erfið meiðsli
Ziege
Gaman að sjá Christian Ziege í réttum búningi!
Naggurinn
Nohhh, það bara komið nýtt útlit á Nagginn. Mér finnst það flott!
ManU
Þetta er ótrúleg snilld. Þú getur spilað leik, sem er einsog Who wants to be a millionaire (breska útgáfan, reyndar, enginn Regis) en spurningarnar snúast aðeins um David Beckham og fjölskyldu.
Tvær greinar
Ég var voðalega duglegur og skrifaði tvær greina á Hrekkjsvín í gær: Einsemd Garcia Marques og Enski boltinn: Allir hinir.
Mac OS X
Góðar greinar um Mac OS X eru hér. Núna eru bara 9 dagar þangað til að hægt verður að nálgast Beta útgáfu af OS X. Margir bíða spenntir.