Það leiðinlegasta við sumarið er að það er enginn enskur fótbolti í sjónvarpinu. Það eina, sem maður getur gert er að lesa fótboltasíður á netinu í von um að eitthvað sé að gerast í kaupum á leikmönnum og slíku. Svo getur maður líka alltaf hugsað aftur til skemmtilegustu stunda vetrarins.
Þessi maður er SNILLINGUR!!
Ég er ein taugahrúga eftir að hafa horft á leikinn. Nágrannarnir halda sennilega að ég sé eitthvað geðveikur. Þetta er einhver sá allra skemmtilegasti fótboltaleikur, sem ég hef séð þvílíkt lið!!
Ég vil bara segja að Edgar Davids er fífl. Þetta þýðir að það verður erfitt fyrir Holland að verða heimsmeistarar á næsta ári, einsog ég var búinn að plana.
Nýja Liverpool heimasíðan, Liverpoolfc.tv er alger snilld. Ég er búinn að vera að horfa á fullt af viðtölum við leikmenn og fleira slíkt. Gaman að hlusta á leikmennina, t.d. er varla hægt að skilja hvað sumir ensku leikmennirnir eru að segja (t.d. Jamie Carragher). Einnig vissi ég ekki að Stephane Henchoz væri með svona fáránlega franskan hreim. Ho ho ho.
Ef menn vilja laera ad taka aukaspyrnur af 44 metra faeri og redda i leidinni deginum, tha vil eg benda a thennan videobut.
Þessi frétt er af Vísi.is, þeim merka fréttavef,
Liverpool vann í morgun góðan sigur á Englandsmeisturum Manchester United, 2-0. Greinilegt var strax frá byrjun að United-menn myndu ekki gefa allt í leikinn, bæði vegna stöðu sinnar í deildinni en þó aðallega vegna komandi viðureignar gegn Bayern Munchen í Meistaradeild Evrópu. Í því skyni voru þeir Jaap Stam, Mickael Silvestre, Andy Cole og Paul Scholes allir hvíldir.
Liverpool komst yfir með frábærum marki frá Steven Gerrard á 13. mín, þrumuskot af um 30m færi. Robbie Fowler kom heimamönnum í 2-0 fjórum mín. fyrir leikhlé. Danny Murphy var svo vikið af leikvelli á 69. mín. en það kom ekki að sök og sigurinn var öruggur.
Þvílíkt kjaftæði. Kvótið “greinilegt var strax frá byrjun að United-menn myndu ekki gefa allt í leikinn” er mesta kjaftæði, sem ég hef heyrt. Þvílíkt bull. United spiluðu sínu besta liði. Geta Liverpool menn ekki allt eins sagt að þeir hafi hvílt Michael Owen, Nicky Barmby og Igor Biscan. Ég þoli það ekki, þegar menn eru með svona afsakanir.
Liverpool á líka leik í vikunni, gegn Barcelona á Nou Camp. Ég myndi nú segja að Barcelona og Bayern Munich væru svipuð af styrkleika. Liverpool hefur sýnt það í báðum leikjunum gegn United að þeir hafa fulla burði til að yfirspila United, sérstaklega einsog þeir gerðu í fyrri hálfleik. Þetta var frábær leikur hjá Liverpool. Steven Gerrard er snillingur!
Ég var að horfa á Liverpool-Porto áðan. Þetta var bara nokkuð góður leikur, Liverpool hafði algera yfirburði í leiknum. Porto áttu einhver tvö skot á markið og Westerveld varði þau nokkuð örugglega. Annars þakka ég bara Guði fyrir að við erum komin með Fox Sports World, því það eru búnir að vera leikir með Liverpool í hverri viku undanfarinn mánuð. Sannkölluð knattspyrnuveisla hér við Simpson stræti.