Ég var að horfa á Liverpool-Porto áðan. Þetta var bara nokkuð góður leikur, Liverpool hafði algera yfirburði í leiknum. Porto áttu einhver tvö skot á markið og Westerveld varði þau nokkuð örugglega. Annars þakka ég bara Guði fyrir að við erum komin með Fox Sports World, því það eru búnir að vera leikir með Liverpool í hverri viku undanfarinn mánuð. Sannkölluð knattspyrnuveisla hér við Simpson stræti.

Ég lenti í svakalegum leik í fótboltadeildinni, sem við strákarnir úr Northwestern fótboltaklúbbnum, spilum í. Við vorum að keppa á móti einhverjum aulum og unnum 9-2. Þeir voru ekkert alltof sáttir við það. Til að byrja með í fyrri hálfleiknum hrækti einn leikmaðurinn þeirra aftan á hausinn á mér, eftir að ég hafði sagt honum að hætta að rífa í bolinn minn. Ég hrinti honum í gólfið en hann stóð strax aftur upp og ætlaði að byrja á einverju veseni, en aðrir strákar úr mínu liði skildu okkur í sundur.

Svo í seinni hálfleik var ég kominn inn fyrir vörnina þeirra og næ að skora, en í leiðinni kemur markmaðurinn þeirra og tæklar mig svo svakalega að ég flaug einhver fet og lenti svo illa á höndinni. Í gærmorgun komst ég svo að því að bein í höndinni var brákað, svo ég verð með höndina í fatla næstu daga.

Það er búin að vera sannkölluð knattspyrnuveisla hér við Simpson stræti undanfarna daga. Málið er nebbnilega að við erum komin með bestu stöð í heimi, Fox Sports World. Þessi stöð sýnir bæði enska og ítalska boltann í beinni, auk þess að á hverjum degi er Sky Sports íþróttafréttir með öllu nýjasta úr enska boltanum.

Ég er því búinn að horfa á flestar útsendingar frá enska boltanum. Það er sannkölluð hátíð að hlusta á ensku Sky Sports þulina, eftir að maður hafði vanist því að hlusta á íslensku íþróttaþulina. Það er ekki hægt að líkja þeim saman. Á laugardaginn er svo bein útsending frá Liverpool og Leeds.

Ég horfði á snilldina í gær þegar Liverpool rústuðu Crystal Palace 5-0. Vandamálið við leikinn á laugardag er að hann byrjar klukkan 6 um morguninn. Ég er ekki alveg viss hvort ég nenni að vakna svo snemma. Kannski að ég taki leikinn bara upp.

Ég sé að það er nú ekki mikið búið að vera um skrif á naggnum undanfarið. Ég er búinn að vera á kafi í vinnu og því hef ég litlum tíma eytt í að skoða netið. Ég ætla bara að minna alla Arsenal aðdáendur á það hvernig leikurinn í morgun fór.

4-0

Takk fyrir

Loksins!
Loksins!
Loksins!
Loksins!

Ég var að hlusta á beina lýsingu á Stoke-Liverpool á Liverpool heimasíðunni. Þetta var auðvitað frábær leikur og góð úrslit. 8-0 er ekki slæmt.

Hann fer ekkert smá í taugarnar á mér, þátturinn um enska boltann, sem sýndur er á mánudögum á Fox Sports. Þeir sýna alltaf fullt úr einhverjum rusl leikjum, með liðum einsog Derby og Middlesborough. Svo núna beið ég í tvo tíma, því Liverpool var auðvitað síðasta liðið, sem þeir sýndu og þá kom brot úr leiknum við Newcastle, sem var innan við mínútu langt. Djöfull og dauði. Ég hefði getað eytt tímanum í að skrifa ritgerðina mína í staðinn fyrir að horfa á þetta kjaftæði.

Northwestern átti ótrúlegan leik gegn Minnesota í gær. Þeir voru undir 35-14 þegar um 10 mínútur voru til leiksloka en náðu einhvern veginn að jafna. Svo þegar þrjár sekúndur voru til leiksloka sendi Zak Kustok 60 yarda sendingu og Northwestern skoraði. Á sama tíma öskraði ég og hoppaði heima í stofu. Mikið voða var það gaman

Þessi málsgrein er úr frétt af mbl.is.

Ég hata Luis Figo, alveg einsog flestir stuðningsmenn Barcelona, en ég efast þó um að ég myndi kasta farsímanum mínum í hann.

Við voru að keppa við Northern Illinois University í DeKalb og unnum þá örugglega 5-0, þrátt fyrir að við höfðum verið einum færri í fyrri hálfleik, vegna þess að strákar, sem voru á einum bílnum villtust á leiðinni.