Category: Tækni

Mjög athyglisverð grein á abcnews.com. Í henni er fjallað um það hversu lítið tölvufyrirtæki græða á því að selja beint til neytenda. Hagnaður tölufyrirtækja í dag byggist fyrst og fremst á sölu til fyrirtækja.

Höfundur greinarinnar spáir því að tvö fyrirtæki muni ráða einkatölvumarkaðinum í framtíðinni, Apple og Sony. Athyglisverð ályktun, en samt ekki eins vitlaus og manni virðist í fyrstu. Stærstu fyrirtækin í einkatölvuiðnaðinum, Compaq, Dell og HP hafa verið að færa sig æ meira inná fyrirtækjasviðið. Talað er um að Compaq hafi í huga að hætta algerlega að framleiða tölvur fyrir heimilin. Gateway, sem framleiðir nær einungis fyrir heimilin, hefur átt í miklum erfiðleikum undanfarið og hafa þeir m.a. verið að loka mörgum “Gateway Country” búðum hér í Bandaríkjunum.

Það er þó ljóst að Apple og Sony þurfa að vinna í því að tengja betur saman tæki einsog lófatölvur við einkatölvuna til að ná góðri stöðu á heimilismarkaðinum. Það er mikið talað um það þessa dagana að Apple hyggist gefa út lófatölvu, en þeir voru einmitt frumkvöðlar á því sviði fyrir nokkrum árum.

Skemmtileg grein á Wired. Eftir að nokkrir starfsmenn hafa verið reknir hafa þeir hefnt sín á fyrirtækjunum með því að klaga til yfirvalda að fyrirtækið noti stolinn hugbúnað.

Nú hefur Microsoft ákveðið að taka út “smart tags” úr nýja Windows XP kerfinu sínu. Þetta finnst mér mjög athyglisvert og í raun aðdáunarvert hjá fyrirtækinu.Smart tags áttu að gera það að verkum að hægt var að breyta öllum vefsíðum, sem þú skoðar. Þannig að undir hverju orði verði sérstakur tengill yfir á ákveðnar Micrsoft síður. Þannig að til dæmis á minni síðu, þegar ég væri að fjalla um Northwestern, skólann minn, þá myndi koma tengill yfir á ákveðin svæði hjá Microsoft.

Einnig ef talað er um fyrirtæki myndi koma tengill yfir á MSN Money.Þetta var náttúrulega ekki gott mál, þar sem Microsoft gat breytt síðunum án leyfis frá höfundum. Reyndar gætu höfundar vefsíðna sett inn ákveðnar skipanir, sem myndu banna Microsoft að gera þetta, en líkur eru á að meirihluti hönnuða myndu ekki hafa vit á að gera það.Ég er nú ekki jafn hræddur við alræðistilburði Microsoft og margir aðrir, en þarna fannst mér fyrirtækið ganga full langt. Hugmyndin hjá fyrirtækinu er náttúrulega sú að fá sem flesta til að nota netþjónustu sína. Ég skil ekki alveg af hverju Microsoft notar svona aðferðir. Þeir hljóta að gera sér grein fyrir því að það verður allt vitlaust um leið og þeir nýta sér Windows kerfið til að reyna að auka umferð á sínar vefsíður. Þetta ætti í raun að vera óþarfi því að netþjónusturnar, sem Microsoft býður uppá eru alveg einstaklega vel gerðar og ættu þeir að geta aukið markaðshlutdeild sína með öðrum hætti.

Eftir að menn fóru að taka eftir “smart tags” í beta útgáfum af Windows XP kvörtuðu margir. Microsoft virðist hafa tekið tillit til þeirra kvartana. Það er án efa jákvætt fyrir fyrirtæki, sem hefur jafnmikil völd og Microsoft hefur. Þeir hefðu einfaldlega geta látið þessar kvartanir sem vind um eyru þjóta, en aldrei þessu vant ákváðu þeir að viðurkenna mistök sín.

Hið ágæta fyrirtæki Apple, sem er skemmtilegasta tölvufyrirtæki í heimi tilkynnti í dag að flað ætlar að opna 25 Apple búðir um öll Bandaríkin. fietta er í fyrsta skipti, sem Apple opnar sínar eigin búðir.

Fyrsta búðin verður opnuð í Kaliforníu á laugardag.Apple keypti fyrir nokkru pláss á Michigan Avenue hér í Chicago, sem er án efa flottasta verslunargata í Bandaríkjunum (5th. avenue hvað?). Enn er ekki búið að tilkynna hvenær sú búð opnar. Það er þó víst að ég verð ennflá tilbúnari að fara í verslunarferðir með Hildi flegar sú búð verður opnuð. fiá hef ég bæði Apple búðina, Sony búðina og Virgin til að eyða tímanum. Nýju Apple búðirnar eru einstaklega flottar og smekklegar, einsog reyndar allt frá Apple. Hér er hægt að sjá myndir af nýju búðunum.

Ég er loksins kominn með íslenska stafi í OSX. fietta kom frá Apple-umboðinu í gær. Reyndar eru ennþá einhverjir gallar. Til dæmis, þegar ég uppfæri í Blogger, kemur þorn eitthvað skringilega út. En ég þekki hvort eð er engan Þorstein, flannig að mér er nokk sama. Ég reyni bara að mynda setningar án fless að hafa þorn. það gæti fló reynst eitthvað erfitt.

Ótrúleg snilld!. Ef að GSM símar fara í taugarnar á þér, þá eru þessir menn með svarið.

Thetta er fyrsta faerslan skrifud ur Mac OS X. Engir islenskir stafir, en styrikerfid lofar svo sannarlega godu.

Það er orðið aðeins erfiðara að finna lög á Napster, eftir að þeir settu alla þessa filtera á. Aðalmálið er að til að komast fram hjá filterunum, þá þurfa menn að breyta aðeins nöfnunum á listamönnunum. Til dæmis ætlaði ég að ná mér í lag með snillingunum í Destiny’s Child en flest lögin þeirra eru undir Destiny’s 1Child, eða Destiny SChild. Þetta er aðeins snúið, en samt ekkert voða erfitt.

Því er ekki hægt að neita að nýjasta Apple auglýsingin er hreinasta snilld!! Auglýsing, sem inniheldur De La Soul, Barry White og George Clinton getur ekki klikkað.

Stórkostlegar uppljóstranir!!

Ég frétti líka að aðal húsvörðurinn hjá Microsoft hafi nýlega hætt, án allra útskýringa. Fróðir menn telja að þetta sé vegna þess að hann hafi verið ósáttur við Windows XP.