Jæja, þá er komið að því að veita hin árlegu verðlaun [eoe.is](https://www.eoe.is) fyrir leiðinlegustu frétt ársins. Verðlaunin í ár hlýtur:
**Öll umfjöllun um bók Hannesar Hólmsteins um Halldór Laxness!!!**
Jiminn eini, hvað þetta er þreytt umræða. Var ekki nóg að eyða síðustu jólum í þetta röfl. Rifrildi á milli bókmenntafræðinga er ekki athyglisvert fréttaefni, sama hverjir eiga í hlut. Takk fyrir.
Þetta rifrildi kemur bókmenntafræðingum ekkert við, né bókmenntafræðinni. Það eina sem tengir þetta við bókmenntafræðina er það að Helga Kress, sem ráðist hefur hvað harkalegast á HHG er eins langt til vinstri og hægt er að hugsa sér, og svarinn pólitískur erkióvinur HHG innan Háskólans, skilst okkur sem erum í bókmenntafræðinni. Við höfum þá vitneskju eftir öðrum kennurum, sem hlýtur að teljast sæmileg heimild…
Og ég ætla rétt að vona að þú hafir ekki verið að gefa í skyn að bókmenntafræðin sé leiðinleg?!?!? 😡
Nei, ókei, ég viðurkenni það samt að þetta var algjörlega langleiðinlegasta umræða ársins. Fyrir utan forsetakosningarnar hér heima, sem hefðu getað gert hvern mann brjálaðan ef þessar kosningar hefðu ekki verið svona óspennandi…
Æ já, þetta bókmenntafræðis dæmi er auðvitað bara útaf þessari Helgu Kress.
Bókmenntafræði er eflaust ágætis fag, en þetta röfl um Hannes er bara svo leiðinlegt að maður fær óbeit á öllum þeim hugtökum, sem tengjast því 🙂
Ímyndaðu þér þá hvernig það var fyrir mig (og fleiri) að sitja í tímum hjá Helgu Kress í vor þegar þetta stóð sem hæst… ef einhverjum varð á að nefna þetta mál á nafn gat maður gleymt því að heyra fyrirlestur um námsefnið. Það var bara “ritstuldur þetta” og “Hannes hitt” í tvo tíma…