Category: Íþróttir

Fyrir þessa helgi hafði ég ætlað mér þrjá hluti: að horfa á mikið af íþróttum í sjónvarpinu, að fara í ræktina að minnsta kosti einu sinni og að klára vefsíðu, sem ég er að vinna í.

Mér tókst að fara í ræktina (kl 10 á sunnudagsmorgni, no less) og ég er alveg við það að klára vefsíðuna. En menn hljóta samt að vera að grínast í mér varðandi þessa íþróttaviðburði. Dagskráin leit svona út (ég held með feitletruðu liðunum:

*Föstudagur:*
**Chicago Cubs** – Philadelphia: TAP
**Chicago Bulls** – Washington: TAP

*Laugardagur:*
**Chicago Cubs** – Philadelphia: TAP
**Boston Celtics** – Indiana Pacers: TAP

*Sunnudagur:*
Arsenal – **Liverpool**: TAP
**Chicago Cubs** – Philadelphia: í gangi – uppfært SIGUR

Jæja, það er semsagt einn sjens á því að mitt lið vinni þessa helgina ([Carlos](http://chicago.cubs.mlb.com/NASApp/mlb/team/player.jsp?player_id=407296) er á svæðinu svo það er von).

Ef ekki, þá hef ég horft á SEX leiki um helgina og séð mín lið TAPA SEX SINNUM!

Ég spyr: ER ÞETTA EÐLILEGT?

Jööössss! Sýn ætla að sýna leik 6 í einvígi Washington og Chicago í NBA á miðnætti í kvöld.

Þannig að klukkan hálf átta get ég horft á Mark Prior [kasta fyrir Chicago Cubs gegn Philadelphia](http://chicago.cubs.mlb.com/NASApp/mlb/news/article.jsp?ymd=20050505&content_id=1039660&vkey=news_chc&fext=.jsp&c_id=chc) og svo get ég horft á Chicago Bulls á miðnætti. Yndislegt!

Washington STÁLU sigrinum síðast og Chicago hafa ekki unnið í D.C. í 10 ár, en það *mun* breytast í kvöld! Ég er sannfærður um það!

Ó, ég er svo [glaður](https://www.eoe.is/liverpool/gamalt/2005/04/13/20.44.48/)

SVO GLAÐUR!

Ég elska fótbolta!

Á þriðjudaginn mætast Liverpool og Juventust í 8-liða úrslitum í Meistaradeild Evrópu. Ég skrifaði [pistil](https://www.eoe.is/liverpool/gamalt/2005/04/03/13.36.25/) á Liverpool bloggið um þennan leik, en þetta er í fyrsta skipti sem liðin mætast [eftir hörmungarnar á Heysel fyrir 20 árum](https://www.eoe.is/liverpool/gamalt/2005/04/03/13.36.25/).

Held að margt af því, sem ég bendi á í pistlinum, sé áhugavert fyrir fólk, sem ekki endilega fylgist mikið með fótbolta.

Ég vildi bara benda áhugasömum á þetta:

[Bulls win 7th straight](http://chicagosports.chicagotribune.com/sports/basketball/bulls/cs-050330bullsgamer,1,2122759.story?coll=cs-home-headlines).

Gaman gaman!

Hvernig væri nú ef að Sýn myndi taka sig til og sýna einn leik með Bulls, ha? Chicago eru núna í 4. sæti í Austurdeildinni. Magnað!

🙂

[Liverpool vann](https://www.eoe.is/liverpool/gamalt/2005/03/09/21.36.01/). Við erumí 8-liða úrslitum í Meistaradeildinni. Yndislegt! Dásamlegt.

Í tilefni dagsins ætla ég að deila með ykkur lagi, sem kemur mér alltaf í stuð. Jafnvel þótt þið fílið ekki hip-hop, þá er bara hreinlega ekki hægt að fíla ekki þetta lag:

[Ice Cube – It was a good day](httP://www.eoe.is/stuff/itwasagoodday.mp3) (mp3 – 3,9 mb)

Öll liðin, sem menn á vinnustaðnum mínum halda með: Real Madrid, Barca, Man U og Arsenal eru dottin úr leik. Öll… nema Liverpool. Jammm.

[Ég](https://www.eoe.is/myndir/bilbao/Pages/IMG_2219.html) **HATA** Chelsea!

Takk fyrir og góða nótt.

Fyrirgefið, en gerið þið ykkur grein fyrir því að Chicago Bulls eru í [6. sæti](http://sports.espn.go.com/nba/standings) í Austurdeildinni?! Sjötta sæti! Einum og hálfum leik á eftir meisturum Detroit! Liðið, sem hefur ekki komist í úrslitakeppnina síðan Jordan hætti og byrjaði leiktíðina 0-9!

Liðið, sem byrjaði síðasta leik var skipað Luol Deng, Antonio Davis, Othella Harrington, Kirk Hinrich og Chris Duhon. Jamm, nöfn sem allir Íslendingar þekkja. Besti leikmaðurinn er hvítur og heitir Kirk Hinrich! Þetta lið er alveg stórkostlega magnað. Meira að segja Eddy Curry og Tyson Chandler eru byrjaðir að spila vel. Mest hefur þó munað um nýliðana Luol Deng og Ben Gordon.

En þetta er magnað og yndislega skemmtilegt, því Bulls hafa ekki getað neitt síðan ég byrjaði að halda með þeim. Ég ólst nefnilega upp sem Boston Celtics aðdáandi, en heillaðist af Bulls þegar ég bjó í Chicago. Ég átta mig ekki alveg á því hvernig mér tókst að heillast af þeim, þar sem Jordan var þá hættur og liðið gat ekki neitt, en allavegana það gerðist. Mikið væri nú gaman ef þeir kæmust í úrslitakeppnina.

Annars var ég einmitt að koma úr körfubolta og þar með eru komnir þrír dagar í röð þar sem ég hef verið í íþróttum á kvöldin. Ég er gjörsamlega uppgefinn og orðinn ansi pirraður á að bíða eftir pizzunni minni.

Í kvöld er ég [glaður](https://www.eoe.is/liverpool/gamalt/2004/12/08/22.01.57/).

Ég elska Liverpool. Ég fokking elska þetta lið!!! Þið megið alveg gera grín að þessu, en það er bara fátt skemmtilegra en að horfa á svona frábæra fótboltaleiki með uppáhaldsliðinu sínu. Ótrúlega gaman!

Red Sox unnu! Þeir eru [meistarar eftir 86 ára bið](http://sports.espn.go.com/mlb/fallclassic/columns/story?columnist=stark_jayson&id=1911156)!

Ímyndið ykkur að búa í borg, sem er fjögurra klukkutíma akstur frá þekktustu borg heims og að allir íbúar nágrannaborgarinnar séu fáránlega uppteknir af borginni sinni og hvað hún sé mikið æði.

Bætið því svo við að [hafnaboltaliðið í nágrannaborginni](http://newyork.yankees.mlb.co) er besta hafnaboltalið allra tíma. Ykkar lið hefur hins vegar ekki unnið titilinn í 86 ár. Bætið því svo við að liðið ykkar [seldi liðinu í stóru borginni besta hafnaboltaleikmann allra tíma](http://www.bambinoscurse.com/whatis/) og að síðan þá hafi liðið ykkar ekki unnið.

Bætið því svo við að liðið ykkar hafi oft komið skuggalega nálægt því að vinna, en alla ævi ykkar hafi þeir getað valdið ykkur vonbrigðum. Þeim tókst m.a.s. að tapa úrslitaleik vegna þess að leikmaður missti boltann [í gegnum klofið](http://www.sportingnews.com/baseball/25moments/8.html).

Þá kannski er hægt að átta sig á því [hvernig það er að styðja Boston Red Sox](http://sports.espn.go.com/espn/page2/story?page=simmons/041028). Það hefur ekki verið auðvelt. Tveir af bestu vinum mínum eru Boston búar og Red Sox aðdáendur. Þeir hafa aldrei upplifað að Red Sox hafi orðið meistarar. Ekki heldur pabbar þeirra. Ekki heldur afar þeirra. Þangað til núna. TIl hamingju!

Frábært! Núna VERÐA [Chicago Cubs](www.cubs.com) að vinna á næsta ári!