Category: Tækni

Ég var að lesa athyglisverða grein á MSNBC um nýja Windows stýrikerfið, XP. Þar heldur greinarhöfundur því m.a. fram að Microsoft hafi loksins náð því að toppa Apple í einfaldleika stýrikerfisins. Ég veit ekki hvort þetta er rétt hjá honum, því ég hef ekki prófað Windows XP. Það er þó gott mál að stýrikerfið skuli vera byggt á Windows 2000, sem er mun öruggara en Windows 98.

Ástæðan fyrir því að ég skipti yfir í Mac var nefnilega sú að ég fékk mig fullsaddann á ruglinu í Windows 98, sem krassaði að minnsta kosti 4-5 sinnum í viku. Ég er ekki fullkomlega ánægður með Apple stýrikerfið, en það er þó mun einfaldara og þægilegra en Windows 98. Það er nokkuð ljóst að ef OS X verður ekki stabílt, þá verður maður að skoða vel hvort maður haldi áfram að kaupa Apple. Ég hef þó fulla trú á því að OSX muni uppfylla mínar væntingar.

Ég var nú ekki að meina að Microsoft væri að apa eftir Apple í nafngiftum á nýju stýrikerfunum. Það er hins vegar ljóst að nýja Windows XP er mjög líkt Apple Mac OS X útlitslega.

Ég var að lesa á MAC NN að Macromedia og Allaire væru líklega að sameinast. Macromedia framfremleiðir hinn ágæta Dreamweaver en Allaire framleiðir HomeSite, sem er að mínu mati langbesta vefhvefhönnunarforritið fyrir PC. Það verður fróðlegt að sjá hvað verður úr þessum samruna.

Microsoft gátu náttúrulega ekki verið eftirbátar Apple í þessum stýrikerfanöfnum. Nýja stýrikerfið hjá Apple heitir OS X en nýja Windows heitir Windows XP. Það er sennilega þetta P, sem gerir gæfumuninn.

Það er einfaldlega ekki hægt að neita því að þetta er flottasta fartölvan á markaðnum.

Ég er búinn að vera að nota nýja Office pakkann fyrir mac, Office:mac 2001. Það, sem kemur mér nokkuð á óvart er að þessi útgáfa er talsvert betri en PC útgáfan. Ég er reyndar vanur því fyrir flest önnur forrit, en ég hélt nú að Microsoft menn myndu hafa PC útgáfuna betri. Það er fullt af eiginleiku, sem eru bara á mac. Einnig er útlitið skemmtilegra.

Póstforritið, Euntorage er líka mjög gott, það er talsvert betra en Outlook Express, sem ég notaði áður.

Hvernig í ósköpunum getur Gummijoh haldið því fram að OS X sé drasl, þegar hann hefur aldrei prófað það? Virkilega “gáfulegt” comment.

Ég skal viðurkenna það að Windows 2000 er sennilega öruggasta stýrikerfi í heimi í dag, en OS X verður bylting. Ég hef notað beta útgáfuna undanfarið og hún er alger snilld. Ég get ekki beðið eftir því að sjá lokaútgáfuna.

Þá er ég loksins búinn að fá nýja Makkann minn. Var í gær eitthvað að dunda mér í OS X, sem mér sýnist vera snilld. Útlitið er ótrúlega flott, og mér sýnist flestar breytingarnar vera til hins betra. Það verður rosalega gaman að sjá hvernig lokaútgáfan af þessu kerfu verður, því beta útgáfan er 10 sinnum flottari en Windows 2000 og 10 sinnum öruggari en Windows 98.

Kristján Ágúst vinur minn sendi mér póst, þar sem hann svarar staðhæfingum gummajoh. Ég ætla að birta það hér:

1963 – Douglas Engelbart fær styrk fra stofnun kölluð SRI til að koma á fót rannsóknastofu til að þróa ýmis tölvutengd “kraftaverk”. Hann stofnaði “The Augmentation Research Center” og þar fann Douglas Elgelbart upp músina.

1967The Augmentation Reserach Center varð annað staðarnetið til að tengjast ARPANET (uppruni internetsins)

1968 – Á ráðstefnu í San Francisco sýnir Engelbart kerfi, sem kallad var NLS. Þar vinnur hann í textaskjali í einum glugga og notar við thað lyklaborð og mús, og í öðrum glugga heldur hann fyrsta “netfund” (Video conference) með félaga, sem er staddur í Standford.

hérna kemur parturinn, sem hefur ruglad gummajoh

SRI dró verulega úr fjárframlögum til Rannsóknastofu Engelbarts, þannig að flestir starfsmenn hans leituðu annað og þar á meðal til XEROX. Þegar SRI hætti að sýna þeim áhuga, þá leitaði Engelbart annað og vann meðal annars fyrir McDonnel Douglas.

Þannig að það leikur enginn vafi á því hver fann upp músina!! (Engelbart átti meira að segja einkaleyfi á músinni)

Þad er enginn einn, sem á heiðurinn að “notendaumhverfi” en ef einhverja skal nefna þá gæti þad veriþ Vannevar Bush, sem á kannski fyrstu grófu hugmyndina í frægri skýrlsu, sem birt var 1945 og hann kallaði “As We May Think” en þá er einnig talið að það hafi veitt Engelbart innblástur við sköpun hans á sínu gluggakerfi!

Það leikur heldur enginn vafi á að:Apple voru fyrstir til að færa fólki (marðaðssetja) gluggakerfi og mús. Það er staðreynd. Sú tölva hét “Lisa” og notaðist við hugmyndir, sem PARC rannsóknarstofan (í eigu Xerox) hafði þróað á nothæft stig (en ekki gleyma Bush og Engelbart), en þar tók Steve Jobs við og kláraði dæmið og kom því til fjöldans. Það er það sem málið snýst um. Steve Jobs kom hlutunum út af rannsóknastofunum, svo að fólk gæti farið að gera eitthvað af viti.

Ég hef aldrei haldið því fram að Apple hafi fundið upp gluggakerfið. Þeir voru hinsvegar þeir, sem áttu mest í að fullkomna það og gera það vinsælt. Þegar Apple stýrikerfið var orðið vinsælt, þá varð Microsoft að gera eitthvað á móti.

Okei, það er endalaust hægt að rífast um þetta. En ég skil samt ekki hvað gummijoh hefur svona voðalega mikið á móti Apple. Annars er gaman að lesa síðuna hans, því það er alltaf nóg af Apple fréttum.