Category: Tónlist

Á morgun erum við Hildur að fara á tónleika með hinni frábæru sveit, Weezer. Við keyptum þessa miða fyrir nokkrum mánuðum, en tónleikarnir voru lítið auglýstir og miðarnir kostuðu aðeins 12 dollara. Nú í dag eru þetta hins vegar eftirsóttustu miðarnir í Chicago og er hægt að kaupa miða á yfir 200 dollara á e-bay.

Ég hef haldið uppá Weezer allt frá því að ég keypti fyrsta diskinn þeirra, sem er hreinasta snilld. Seinni diskurinn, Pinkerton er alls ekki síðri, þrátt fyrir að hann hafi ekki verið eins vinsæll. Tónleikarnir á morgun verða haldnir í Aragon Ballroom, þar sem ég hef m.a. séð Smashing Pumpkins og Macy Gray.

Ég er búinn að vera að hlusta á Urban Hymns í dag. Þvílík ótrúleg snilld, sem þessi diskur er. Ég er að fara eftir nokkrar mínútur á tónleikana. Ég bara vona að þeir verði góðir.

Í kvöld er ég að fara á Richard Aschroft (fyrrum söngvara The Verve), sem er að spila á Double Door, sem er klúbbur niðrí miðbæ. Ég veit ekki alveg við hverju ég á að búast, þar sem ég veit ekki hvort hann spilar bara ný lög eða líka gamla The Verve slagara.

Miðarnir voru bara það ódýrir að ég ákvað að skella mér á þá. Miðarnir á tónleikana kosta jafnmikið og það kostaði fyrir okkur Hildi að komast inná White Star Lounge, sem er sennilega heitasti klúbburinn í Chicago í dag, síðasta laugardag, þ.e. 20 dollara.

Ég hef nú oft kvartað undan Ticketmaster, en það sem ég lenti í í morgun var án efa mesta geðveikin. Ég ætlaði að kaupa miða á U2 tónleika, sem verða 12. maí hér í Chicago. Svo auðvitað komst ég ekkert inná síðuna því það var alltof mikið að gera. Ég gafst loks upp um 25 mínútum seinna, því þá var örugglega orðið uppselt. Ég var svo eitthvað að dunda mér á netinu og um 11 leytið kíkti ég aftur á Ticketmaster.

Þá kom í ljós að U2 verða með aðra tónleika og það var byrjað að selja miðana á þá tónleika. Ég reyndi aftur en það var það sama, allt var orðið uppselt. Svo klukkan 20 mínútur yfir 11 gafst ég upp og fór aftur á aðalsíðuna og sá þá að það var búið að bæta við þriðju tónleikunum, sem byrjað var að selja á klukkan 12 mínútur yfir 11. Ég dreif mig yfir á pantanasíðuna og þá tókst mér loksins að næla mér í 2 miða. Þannig að 15. maí erum við Hildur að fara að sjá U2 í United Center. Það verður snilld!

Já, fyrir aðdáendur Smashing Pumpkins, þá er hægt að hlusta á tónleikana í kvöld á heimsíðu Q101, sem er eimmitt uppáhalds útvarpsstöðin mín.

Núna eru bara 4 tímar þangað til að lokatónleikar Smashing Pumpkins byrja. Ég get ekki beðið mikið lengur.

Fool enough to almost be it
Cool enough to not quite see it
Doomed
Pick your pockets full of sorrow
And run away with me tomorrow
June

We’ll try and ease the pain
But somehow we’ll feel the same
Well, no one knows
Where our secrets go
I send a heart to all my dearies
When your life is so, so dreary
Dream
I’m rumored to the straight and narrow
While the harlots of my perils
Scream

Today is the greatest day I’ve ever known.

Hljómsveitin Maus (næstbesta íslenska hljómsveitin á eftir Quarashi) heldur úti alveg frábærri vefsíðu á maus.is. Útlitið á þessari síðu er með því allra flottasta, sem ég hef séð.

Á síðunni er meðal annars hægt að nálgast nokkur mp3 lög. Nokkur eru óútgefin og nokkur eru af tónleikum. Á meðal tónleikalaganna er skemmtileg útsetning á Girls on film. Þeir enda lagið með orðunum: “Einsog sannir Íslendingar þá auglýsum við að sjálfsögðu eftir eftirpartíi”.

Á morgun er ég að fara á lokatónleika The Smashing Pumpkins í United Center. Miðar á tónleikana eru seldir á ebay fyrir 1200 dollara. Ég myndi aldrei selja mína miða! Það að hlusta á Mayonaise “live” í síðasta skipti er mun verðmætara.

Helvítð hann Richard Aschroft er búinn að fresta tónleikunum sínum, sem áttu að vera hérna á laugardaginn. Sennilega mun hann koma í janúar eða febrúar. Það var alger tilviljun að ég heyrði af frestuninni. Annars hefði ég mætt í svaka stuði á laugardagskvöldið.