Ég [elska Bandaríkin](http://news.bbc.co.uk/2/hi/americas/4515377.stm). 🙂
Annars er ég búinn að vera inni í allan dag í vinnunni. Varð að reyna að klára eitthvað af þeim verkefnum, sem höfðu hlaðist upp meðan ég var úti. Það er einsog líkaminn minn hafi skynjað að það væri frídagur og sé svo að mótmæla þessari tölvuvinnu með því að gefa mér massívan hausverk.
Ekki gott.
Í fréttum er þetta helst: Bandarísk yfirvöld hafa ákveðið að banna brjóst og rassa, þar sem þessir líkamshlutar hvetja til kynferðislegrar hugsunar og eiga því ekki heima á almannafæri!
Billy-Bob Wedge, skólastjóri Curly Fries-grunnskólans sagði um þetta mál: “Það er rétt að við höfum bannað brjóst og rassa innan veggja skólans, þar sem þessir tveir líkamshlutar geta – og jafa iðulega – gengið of langt í kynferðislegum uppástungum, jafnvel á íþróttaviðburðum þar sem slík sorahugsun á alls ekki við.”
Hér strax eftir hlé: á að láta staðar numið hér, eða eigum við að banna falleg augu, karlmannlega kjálka, munaðarlegar varir og afhjúpaða hálsa líka? Hvað finnst ykkur? Hér strax eftir hlé á FOXY.
:rolleyes:
Jamm, núna geta Texasbúar loksins einbeitt sér af hinum listræna þætti klappstýrudansanna … :rolleyes:
🙂