Jösssss, syngjandi páskastelpan frá Ölgerðinni er farin að birtast í sjónvarpinu. Ég er því officcially kominn í páskaskap.
* * *
Í dag endurheimti ég uppáhaldsúlpuna mína. Á laugardagskvöldið setti ég hana á gólfið inní horn á Vegamótum, þar sem ég var ekki alveg til í að dansa í þykkri úlpu. Þegar kom að því að endurheimta úlpuna, þá var hún *farin*. Ég leitaði á örvæntingarfullan hátt í nokkrar mínútur en gafst að lokum upp og hljóp heim í Vesturbæinn á peysunni.
Reykingalyktin af úlpunni núna er ólýsanleg. Ég er sannfærður um að ef úlpan hefði verið sett inní lítið herbergi með 15 keðjureykjandi simpönsum í tvær vikur, þá væri reykingalyktin ekki jafn sterk og lyktin er af úlpunni núna.
* * *
Annars var þetta ótrúlega skemmtilegur dagur í vinnunni í dag. Veit ekki hvort að veðrið hefur svona áhrif á mig.
* * *
Er þetta Baugsmál búið núna? Plíííííííís segið mér að svo sé!
Litla systir mín hefur unnið mikið á kaffihúsum og hún segir það óbrigðult ráð að frysta reykingarfýlu úr fötum. Hef aldrei prófað það sjálf reyndar :biggrin:
Frostið klikkar aldrei. Ég skal ábyrgjast það. Ég nota þetta ráð nær daglega, enda vinn ég í stærsta ísskáp Íslands.
Já, úlpan er búin að vera útá svölum síðan ég kem heim.
Heimilisfrystirinn býður varla uppá að í honum sé geymd heil úlpa. 🙂
Jessssss! Nú ætla ég að tjalda fyrir framan sjónvarpið, frænka þín í páskaauglýsingunni er svo krúttleg.
Bara að forvitnast, en hvernig lýsir páskaskap sér eiginlega? 😯
Miðað við 2 af 3 síðustu páskum, þá lýsir páskaskap sér hjá mér sem skap til að spila xBox. 🙂
Áður var það alltaf skap til að fara á skíði.
En annars var þetta bara hálf slöpp tilraun til fyndni. Ég er ekki í neinu sérstöku páskaskapi, ef ég hefði ekki verið að spá í vaktamálum á Serrano þá hefði ég sennilega ekki fattað að páskar eru í næstu viku. :rolleyes:
Ég get ekki beðið eftir jólunum, þegar hún syngur Skín í rauðar skotthúfur / skuggalangan daginn.