Ég var að horfa á Liverpool-Porto áðan. Þetta var bara nokkuð góður leikur, Liverpool hafði algera yfirburði í leiknum. Porto áttu einhver tvö skot á markið og Westerveld varði þau nokkuð örugglega. Annars þakka ég bara Guði fyrir að við erum komin með Fox Sports World, því það eru búnir að vera leikir með Liverpool í hverri viku undanfarinn mánuð. Sannkölluð knattspyrnuveisla hér við Simpson stræti.
Weezer
Ég verð aðeins að skrifa um tónleikana, sem við Hildur fórum á síðasta föstudag. Þetta voru tónleikar með Weezer. Ég vissi í raun ekki hverju ég átti að búast við. Eftir allt, þá eru fimm ár síðan þeir gáfu út síðasta disk, Pinkerton. Ég fílaði þann disk ekki í upphafi en núna er ég á því að þessi diskur sé hreinasta snilld.
Eftir tvær upphitunarsveitir birtust Weezer á sviðinu um klukkan 10. Stemningin hjá áhorfendum var ótrúlegt, allir voru m.a.s. að syngja með lögunum, sem voru spiluð af bandi á undan Weezer. Þannig var síðasta lagið áður en þeir komu á svið, Bohemian Rapsody og þá var stemningin orðin rosaleg. Sviðsmyndin var eins og á “prom” balli, báðum megin við hljómsveitina voru körfuboltaspjöld. á spjöldin var svo varpað myndum af hljómsveitinni, en allir voru með videovél beint fyrir framan sig.
Sveitin byrjaði á því að taka My Name is Jonas, svo Come Undone. Síðan tóku þeir nokkur ný lög, sem voru öll frábær, sjaldan sem maður fílar svona ný lög á tónleikum alveg strax. Þeir tóku svo öll sín bestu lög eins og Good Life (þeirra besta lag), Buddy Holly, El Scorcho og fleiri. Þeir enduðu svo á Say it Ain’t So og stórkostlegri útgáfu af Only in Dreams.
Stemningin meðal áhorfenda var alveg ótrúlega góð. Hún var m.a.s. mun betri en á bæði Metallica og Smashing Pumpkins tónleikunum, sem ég hef séð hérna nýlega. Allir kunnu öll lögin. Það má segja að aðdáendur Weezer séu alveg ótrúlega traustir, því það er svo langt síðan þeir gáfu eitthvað út.Hljómsveitin er líka einstaklega skemmtileg á sviði. Þeir eru svo ótrúlega ólíkir þeirri ímynd, sem maður hefur af rokk bandi.
Eftir að þeir voru klappaðir upp tóku þeir svo In The Garage og svo frábæra útgáfu af Surfwax America. Þvílík snilld. Þetta eru ábyggilega einir af bestu tónleikum, sem ég hef séð.
Jackass
Það er enginn vafi að lang lang besti þátturinn í bandarísku sjónvarpi er Jackass, sem sýndur er á MTV. Þessi þáttur gengur út á það að hópur af strákum gera eitthvað ótrúlega heimskulegt í hverri viku. Í síðasta þætti var m.a. einn strákurinn, sem lét gata (e. piercing) á sér rasskinnarnar saman. Það eru í raun engin takmörk fyrir því hvað þeir taka sér fyrir hendur en vanalega endar það í ótrúlega fyndnum atriðum.
Próflok
Ok, ég er búinn í prófum. Það er alltaf dálítið skrítin tilfinning þegar önnin er búin. Ég er núna kominn í tveggja vikna frí. Fyrri vikuna verð ég bara hérna í Chicago og veit ég ekkert hvað ég á að gera. Ég er svo á sunnudag að fara niður til New Orleans.
Þá er ég búinn með
Þá er ég búinn með tvö lokapróf, kláraði hagfræðina í morgun og var það bara fínt. Núna á ég bara stærðfræði á morgun, linear algebra í allri sinni dýrð. Og ég ætla að byrja að læra………..núna.
Góður dagur!
Vef þjóðviljinn
Ég var að lesa pistil í Silfri Egils um Vef-Þjóðviljann. Ég fór síðan og kíkti aðeins á þessa síðu, sem ég hef ekki lesið lengi. Egill hefur svo sannarlega rétt fyrir sér. Þetta er ótrúlega leiðinlegt nöldur, um ekki neitt. Þvílík ósköp.
Woo-ee-oo
Woo-ee-oo I look just like Buddy Holly
Oh-oh, and you’re Mary Tyler More
I don’t care what they say about us anyway
I don’t care ’bout that
Apple
Því er ekki hægt að neita að nýjasta Apple auglýsingin er hreinasta snilld!! Auglýsing, sem inniheldur De La Soul, Barry White og George Clinton getur ekki klikkað.
Weezer tónleikar
Á morgun erum við Hildur að fara á tónleika með hinni frábæru sveit, Weezer. Við keyptum þessa miða fyrir nokkrum mánuðum, en tónleikarnir voru lítið auglýstir og miðarnir kostuðu aðeins 12 dollara. Nú í dag eru þetta hins vegar eftirsóttustu miðarnir í Chicago og er hægt að kaupa miða á yfir 200 dollara á e-bay.
Ég hef haldið uppá Weezer allt frá því að ég keypti fyrsta diskinn þeirra, sem er hreinasta snilld. Seinni diskurinn, Pinkerton er alls ekki síðri, þrátt fyrir að hann hafi ekki verið eins vinsæll. Tónleikarnir á morgun verða haldnir í Aragon Ballroom, þar sem ég hef m.a. séð Smashing Pumpkins og Macy Gray.