Category: Stjórnmál

Fyrir nokkrum dögum skrifaði Michael Moore þetta opna bréf til Wesley Clark, sem ég var núna að rekast á í gegnum BoingBoing. Þar hvetur Moore Clark til að bjóða sig fram til forseta og virðist sú áskorun hafa borið árangur.

Satt best að segja líst mér ágætlega á Clark, ekki síst útaf þeim ástæðum sem Moore nefnir. Hann er hófsamur jafnaðarmaður og hann er nógu sterkur til að geta sigrað Bush.

By the way, mér finnst það cool að Moore birtir alltaf email addressuna sína með greinum, sem hann skrifar. Hann fær sennilega slatta af pósti daglega.

SH skrifar á Múrinn í dag um Halldór Ásgrímsson og ráðstefnuna í Cancun: Fáfræði Halldórs stendur umræðu fyrir þrifum.

Ég átta mig ekki alveg hver stefna Múrsmanna í þessum málum er. Þeir virðast vera á móti auknu frelsi í alþjóðaviðskiptum, en samt eru þeir sárir yfir því að Vesturlönd lækkuðu ekki tolla á landbúnaðarvörur. Er það furða að sá stimpill vilji festast við Vinstri-Græna að þeir séu á móti öllu. Ég verð þó að viðurkenna að það getur vel verið að ég hafi bara ekki verið nógu duglegur að rýna í greinina til að finna stefnu þeirra.

Ég missti reyndar af þættinum með Halldóri en það er með ólíkindum hvernig þrjóska Evrópubúa og Bandaríkjanna eyðilagði ráðstefnuna í Cancun. Halldór er einmitt fulltrúi flokks, sem stendur fyrir öllu því, sem eyðileggur alþjóðaviðskipti. Hann vill vernda íslenskar landbúnaðar- og iðnaðarvörur (hvað er kjúklingur annað en iðnaðarvara?) fyrir eðlilegri samkeppni sama hvað það kostar skattgreiðendur.

Íslendingar eru reyndar með ólíkindum ósanngjarnir í þessum málum og í þessum umræðum kemur bersýnilega í ljós hræðilegur tvískinnungsháttur okkar þjóðar. Við viljum nefnilega takmarka (eða eyða) öllum höftum í sjávarútvegi, sem er okkar helsta útflutningsvara. Við fríkum út ef að einhver þjóð setur hömlur á innflutning á fiski. Hins vegar gerum við ALLT til þess að vernda landbúnaðarvörur, sem eru helsta útflutningsvara vanþróðari ríkja. Þetta er óþolandi ástand. Ef við værum hinum megin borðsins, þá værum við alveg brjáluð.

Það sama á í raun við um marga hluti. Við viljum að önnur þjóð hjálpi okkur í varnarmálum og þáðum þróunaraðstoð lengi vel. Hins vegar nú þegar við erum rík þjóð, þá gefum við ekki neitt tilbaka. Við PR skrifuðum fyrir nokkrum árum grein í róttækt blað (sem lifði stutt), þar sem við gagnrýndum harðlega þá þjóðarskömm okkar Íslendinga að við veitum minna en nær allar vestrænar þjóðir í þróunaraðstoð. Þessi grein var birt fyrir 6 árum en samt á hún alveg jafnvel við í dag. Það hefur ekkert breyst.

Við getum ekki ætlast til að fá allt í hendurnar á okkur en gefa aldrei neitt tilbaka. Það er ekki sanngjarnt.

Draumurinn um sjálfstæða bóndann

Ég er fylgjandi því að tollar á landbúnaðarvörur verði felldir niður. Það er hins vegar athyglisvert að niðurfelling tolla virðist vera orðin tískumál hjá mótmælendum á þessum ráðstefnum. Michael Lind skrifar athyglisverða grein um þá staðreynd að ef tollum verði létt þá sé ólíklegt að upp spretti litlir og ríkir bændur í þróunarlöndunum einsog draumur mótmælenda virðist vera. Mun líklegra sé að landbúnaðurinn verði iðnvæddari, noti tæknina og verði hagkvæmari. Það mun þýða að færri hafa atvinnu en að land verður betur notað. Mjög athyglisverð grein, þrátt fyrir að ég sé ekki endilega sannfærður um að hún standist.

Via Metafilter rakst ég á tvær mjög góðar greinar um ástandið í Ísrael og Palestínu. Margir telja að draumurinn um tvö sjálfstæð ríki sé vonlaus. Þá er næsti möguleikinn í stöðunni að arabar sæki um að fá að kjósa í Ísrael. Vandamálið er bara að Arabar yrðu í meirihluta í því landi. Hvað yrði þá um draum síonista um sitt eigið ríki?
Continue reading Ísrael og Palestína… eða bara Ísrael

Ég verð að játa það að mér finnst þessi Onion grein dálítið fyndin:

Relations break down between U.S. and Them.

og svo besta línan 🙂

Alger snilld.

James Carroll skrifar í Boston Globe: . . . and honoring the victims.

Úr leiðara New York Times

Einnig: What You Think You Know About Sept. 11 …but don’t.

Þetta er mjög athyglisverð síða. Fær mann til að hugsa.

Síðan reiknar hvar maður er staddur á listanum yfir ríkasta fólk heims. Ef maður tekur meðal starfsmann á skyndibitastað á Íslandi (einsog t.d. Serrano), þá eru yfir 5,5 milljarðar manns fátækari en sá starfsmaður (miðað við árslaun)! Það er hreint ótrúlega magnað.

Milljarðar fólks lifa á minna en 2 dollurum á dag. Ég veit að þetta eru engin ný sannindi, en samt er magnað þegar maður hugsar útí það. (via Batman)

Ja hérna! Íslenskur ráðherra hrósar Ann Coulter á heimasíðunni sinni!!

Gæti Björn Bjarnason mögulega fundið verri stjórnmálaskýranda til að hrósa á síðunni sinni?? Ég stórlega efast um það.

Jóhannes skrifar ítarlega um Björn og Coulter á heimasíðu sinni og hvet ég alla til að lesa það: 1, 2. Ég hef áður skrifað um Coulter hér.

Coulter er þó nokkuð snjöll í að vekja athygli á sjálfri sér. Hún kemur sér í spjallþætti og þylur þar upp einhverja vitleysu, sem hneykslar flest alla. Hún neitar að styðja fullyrðingar sínar með rökum, heldur kýs að kalla alla aðra ómálefnalega. Fyrir þetta er hún nú orðin milljónamæringur.

Coulter er þekkt fyrir hræðilega ómerkileg ummæli sín. Hún veit að hún fær því meiri athygli því viðbjóðslegri sem komentin hennar eru.

Björn segir um bók Coulter: “Þetta er baráttubók, rituð af sannfæringu, þar sem brotnar eru til mergjar fullyrðingar og afhjúpaðir sleggjudómar, sem ganga ljósum logum eins og vofa kommúnismans á sínum tíma.”

Ætli Björn sé ánægður með til dæmis þessi ummæli, sem Coulter var á sínum tíma rekin fyrir:

Fleiri gullmolar Coulter teknir úr þessum pistli:

Annars er málflutningur Björns afskaplega hæpinn þegar hann segir: “Efa ég ekki, að hún sé úthrópuð kaldhæðnislega af vinstrisinnum í heimalandi sínu.”

Ég held að ég geti auðveldlega úthrópað stjórnmálaskoðanir Coulter án þess að það votti fyrir kaldhæðni.

Vá, mér er farið að líða einsog ég skrifi fyrir Múrinn.

Sanchez hershöfðingi hélt blaðamannafund um morðin á sonum Saddams. Ég tel reyndar að þetta hafi verið farsælasta lausnin, en samt þá vakna ýmsar spurningar. Robert Fisk, átrúnaðargoð þeirra Múrsmanna var á blaðamannafundinum og var nokkuð beittur.

Jahá. Svo mörg voru þau orð

The Independent birti í gær þessa grein: 20 Lies About the War.

Athyglisvert er að lesa umræður þeirra í Bandaríkjunum, sem verja Bush og þessar lygar hans. Oft eru það sömu menn og kröfðust þess að Bill Clinton segði af sér embætti fyrir að ljúga um framhjáhald! Með öðrum orðum, það er í lagi að ljúga um ástæður fyrir því að fara í stríð, en það er ekki í lagi að ljúga um kynlíf.

Æji, mikið væri nú gaman ef að Bush segði af sér. Það myndi allavegana auðvelda mér að verja Bandaríkin, en það verður erfiðara með hverjum deginum. Mikið væri gaman að geta séð hvernig almenningsálit á Bandaríkjunum væri í dag ef réttmætur sigurvegari síðustu kosninga, Al Gore, hefði unnið.

Ja hérna, það hlaut að koma að því. Ég er í öllu sammála grein eftir Sverri Jakobsson.

Greinin heitir “Þegar sumir verða jafnari en aðrir” og fjallar um innflytjendalöggjöf í Danmörku og svo um nýlegt dæmi frá Íslandi. Hérna var víetnamskri konu hafnað um vegabréfsáritun vegna þess að hún var “ung og ógift” og þær típur eiga það víst til að ílengjast hér á landi, samkvæmt stjórnvöldum.

Þessi synjun er svo ótrúlega rasísk að ég á ekki orð yfir því að enginn skuli hafa talað um þetta mál opinberlega. Ég verð að játa það að ég skil ekki stefnu stjórnvalda í málefnum innflytjenda. Af hverju er Ísland svona ofboðslega verndað?

Á þessari stóru eyju búa undir 300.000 manns. Hins vegar þá höfum við meira af náttúruauðlindum en flest önnur ríki. Ég er sannfærður um að hér á landi gætu búið yfir milljón manns við jafnmikla velmegun og þessar 300.000 hræður búa við í dag. Öll tækifærin eru til staðar.

Þess vegna skil ég ekki að íslensk stjórnvöld séu svona viljug til að reisa múra til að halda þessu fólki frá. Af hverju á ekki að leyfa fólki, sem vill virkilega búa á Íslandi, að koma hingað??

Ég er ekki að segja að við eigum að hleypa 700.000 manns inní landið í einni lotu. Hins vegar vildi ég sjá að stjórnvöld myndu marka sér þá stefnu að fjölga fólki hér á landi. Hleypa á ári hverju umtalsverðu magni af innflytjendum inní landið. Seinna meir myndi það bara auka velmegun á Íslandi og auka áhrif þessa lands í alþjóðlegu samstarfi.