« Bloggarablogg | Aðalsíða | Rumsfeld og al-Sahaf »
Djöfulsins viðbjóður
apríl 09, 2003
Á leiðinni heim úr vinnunni rakst ég yfir á Létt 96.7. Þar var verið að spila "Baby I Love Your Way/Freebird" með hljómsveitinni Will to Power. Þetta er án efa einhver stórkostlegasti viðbjóður allra tíma. Þarna tók eitthvað 80's band sig til og tók kafla úr Baby I Love Your Way eftir Peter Frampton og kafla úr snilldarlaginu Freebird eftir Lynyrd Skynird, blandaði lögunum saman, settu takt undir og sungu saman. Hörmung!
Ég er ekki mikill aðdáandi Donald Rumsfeld. Hann er samt alveg ótrúlega skemmtilegur á blaðamannafundum. Það væri óskandi að allir stjórnmálamenn væru svona skemmtilegir. Hann svarar spurningum með já/nei í stað þess að halda hálftíma fyrirlestur einsog margir og er auk þess nokkuð fyndinn. Svo stjórnar hann blaðamannafundunum einsog herforingi.
Mikið var gaman að sjá fögnuðinn í Bagdad í dag. Vonandi að þetta sé búið. Meira að segja áróðursmálaráðherra Íraka hvergi sjáanlegur. Vonandi að það verði svo áfram. Samt, þá gerði bandarískur hermaður sig sekan um eitthvað stórkostlegasta PR klúður þegar hann hengdi bandaríska fánann á styttuna af Saddam.
Ummæli (2)
Svansson.net sendi inn - 09.04.03 19:36 - (Ummæli #1)
Fan site fyrir upplýsinga/áróðursmálaráðherra Íraka: http://www.welovetheiraqiinformationminister.com/ (via DV í dag)
Ég er soldið farinn að sakna hans. Hann var vissulega ljós punktur í tilverunni!
Ummælum hefur verið lokað fyrir þessa færslu
Hermanninum er nottla vorkunn - það er búið að ljúga þá fulla.
Líklega hafa ekki ófáar peppræðurnar endað á því að brátt myndu Stars´n stripes sjást blakta yfir Bagdad.