Month: February 2001

Windows XP

Ég var að lesa athyglisverða grein á MSNBC um nýja Windows stýrikerfið, XP. Þar heldur greinarhöfundur því m.a. fram að Microsoft hafi loksins náð því að toppa Apple í einfaldleika stýrikerfisins. Ég veit ekki hvort þetta er rétt hjá honum, því ég hef ekki prófað Windows XP. Það er þó gott mál að stýrikerfið skuli vera byggt á Windows 2000, sem er mun öruggara en Windows 98.

Ástæðan fyrir því að ég skipti yfir í Mac var nefnilega sú að ég fékk mig fullsaddann á ruglinu í Windows 98, sem krassaði að minnsta kosti 4-5 sinnum í viku. Ég er ekki fullkomlega ánægður með Apple stýrikerfið, en það er þó mun einfaldara og þægilegra en Windows 98. Það er nokkuð ljóst að ef OS X verður ekki stabílt, þá verður maður að skoða vel hvort maður haldi áfram að kaupa Apple. Ég hef þó fulla trú á því að OSX muni uppfylla mínar væntingar.

X

Ég var nú ekki að meina að Microsoft væri að apa eftir Apple í nafngiftum á nýju stýrikerfunum. Það er hins vegar ljóst að nýja Windows XP er mjög líkt Apple Mac OS X útlitslega.

Allaire

Ég var að lesa á MAC NN að Macromedia og Allaire væru líklega að sameinast. Macromedia framfremleiðir hinn ágæta Dreamweaver en Allaire framleiðir HomeSite, sem er að mínu mati langbesta vefhvefhönnunarforritið fyrir PC. Það verður fróðlegt að sjá hvað verður úr þessum samruna.

Windows XP

Microsoft gátu náttúrulega ekki verið eftirbátar Apple í þessum stýrikerfanöfnum. Nýja stýrikerfið hjá Apple heitir OS X en nýja Windows heitir Windows XP. Það er sennilega þetta P, sem gerir gæfumuninn.

Hannibal

Við Hildur fórum að sjá Hannibal í gær. Ég var búinn að heyra ýmsa misjafna hluti um þessa mynd, svo ég fór í raun ekki með of miklar væntingar á myndina. Hún var bara nokkuð góð. Hún er ekki nærri því eins góð og Silence of the Lambs, en samt fín.

Það þýðir ekkert að fara á þessa mynd og búast við einhverju líku fyrri myndinni. Ofbeldið í Hannibal er mun grófara, sem er galli. En á heildina þá var þetta bara fín mynd.

Anthony Hopkin

Hannibal verður frumsýnd á morgun. Í tilefni þess er Anthony Hopkins búinn að vera í hverjum einasta mögulega spjallþætti undanfarna daga. Þetta er orðið fáránlegt. Einnig hef ég aldrei séð neina mynd eins mikið auglýsta. Dómarnir eru búnir að vera frekar misjafnir, en það breytir því ekki að ég er að fara í bíó að sjá Hannibal á morgun.

Prófahrina

Ég er búinn að vera í ansi skemmtilegri prófahrinu. Þess vegna hef ég ekkert skrifað á netið. Ég hélt alltaf að þegar ég væri búinn í prófunum að þá myndi ég hafa alveg fullt af segja. En ég hef ekkert að segja. Kannski að mér detti eitthvað í hug á morgun.

Ég er reyndar ekki alveg búinn, því að ég er að fara í stærðfræðipróf á morgun. Ég, af einhverjum ástæðum get bara ekki lært undir það próf. Sem betur fer er ég að fara að keppa í fótbolta í kvöld, þannig að ég hef góða afsökun fyrir því að vera ekki að læra.