Maus

Hljómsveitin Maus (næstbesta íslenska hljómsveitin á eftir Quarashi) heldur úti alveg frábærri vefsíðu á maus.is. Útlitið á þessari síðu er með því allra flottasta, sem ég hef séð.

Á síðunni er meðal annars hægt að nálgast nokkur mp3 lög. Nokkur eru óútgefin og nokkur eru af tónleikum. Á meðal tónleikalaganna er skemmtileg útsetning á Girls on film. Þeir enda lagið með orðunum: “Einsog sannir Íslendingar þá auglýsum við að sjálfsögðu eftir eftirpartíi”.

Tónleikar

Á morgun er ég að fara á lokatónleika The Smashing Pumpkins í United Center. Miðar á tónleikana eru seldir á ebay fyrir 1200 dollara. Ég myndi aldrei selja mína miða! Það að hlusta á Mayonaise “live” í síðasta skipti er mun verðmætara.

Ritgerð og Ham

Ég var að vinna í ritgerðinni minn í gær og ákvað að hlusta á Lengi Lifi með Ham. Það er nokkuð gaman að hlusta á þessa snillinga, tónlistin er vissulega frábær, en þeir pældu sennilega ekki mikið í textunum.

I am going very far away
and I’m going to East L.A.
and I’m going to Smoky Bay.
oh yes oh yeah.
I’m going very far away
and I am going to East L.A.
I am going to JFK,
oh yes o yeah
Airport!

Fox Sports

Hann fer ekkert smá í taugarnar á mér, þátturinn um enska boltann, sem sýndur er á mánudögum á Fox Sports. Þeir sýna alltaf fullt úr einhverjum rusl leikjum, með liðum einsog Derby og Middlesborough. Svo núna beið ég í tvo tíma, því Liverpool var auðvitað síðasta liðið, sem þeir sýndu og þá kom brot úr leiknum við Newcastle, sem var innan við mínútu langt. Djöfull og dauði. Ég hefði getað eytt tímanum í að skrifa ritgerðina mína í staðinn fyrir að horfa á þetta kjaftæði.

Thanksgiving

Þetta er búin að vera fín helgi. Ég gerði ekki mikið á Thanksgiving Day, við Hildur lágum heima, horfðum á sjónvarp og tókum það rólega. Um kvöldið borðuðum við svo kalkún með stuffing, cranberry sósu og tilheyrandi, svo apple pie og haagen dazs í eftirrétt, ekkert smá góður matur.

Í gær var svo náttúrulega aðalverslunardagurinn í Bandaríkjunum og við Hildur fórum því niður á Michigan, þar sem við versluðum jólagjafir á fullu. Ég er næstum því búinn að kaupa allar jólagjafirnar, sem er mjög gott mál.

Leti

Í dag er Thanksgiving day. Það þýðir einfaldlega að ég ætla að liggja í leti í allan dag og borða kalkún í kvöld. Ég keypti kalkún á sunnudag og held ég að hann sé fullstór fyrir okkur tvö. Þannig að það verða afgangar næstu vikurnar. Svo á morgun er auðvitað aðalverslunardagurinn í Bandaríkjunum. Það verður allt geðveikt niðrí miðbæ. Við þangað.

Skúbb

Eru menn ekki alltaf að tala um þegar vefleiðararnir eru á undan íslensku fréttasíðunum? Ok, þá ætla ég að skúbba að hæstiréttur í Florida hefur úrskurðað að handtalningin skuli halda áfram. Þannig að Gore á enn möguleika.

Michael Richards Show

Ég er nú að horfa með öðru auganu á The Michael Richards Show, sem er nýji þátturinn með Richards, sem lék Kramer í Seinfeld. Þessi þáttur er frekar slappur, sérstaklega ef maður miðar við Seinfeld. Samt er hann ekki eins slappur og Geena Davis Show, sem er hörmung.

Skemmtilegir tímar

Síðasti skóladagurinn er á morgun. Ég er búinn að skrá mig í tíma fyrir næstu önn. Ég mun taka stærðfræði (Sequences & Series, Linear Algebra), markaðsfræði og tvo hagfræði tíma, Game Theory og Labour Economics. Þetta lítur ágætlega út. Hagfræðitímarnir eru náttúrulega fyrir hagfræði major-ið mitt en markaðsfræðitíminn minn er fyrir Business Institutions, sem er minor-ið mitt.

Það eru alltof margar slettur í þessari uppfærslu!