Njah… þetta er nú ekki ýkja trúverðug samsæriskenning með Sádi Arabana - þótt það sé vissulega hin vibbalegasta stjórn.

Hvers vegna ættu menn að ganga af göflunum í Lýbíu vegna þess að harðorðar skammargreinar birtast í ríkisreknum fjölmiðlum í Sádi Arabíu? Hér er skrifað eins og hinn múslímski heimur sé smáþorp.

Nú var maður búinn að heyra fréttaskýringar um þessar skopmyndir, t.d. í Speglinum á Rás 1, strax þegar þær birtust. Hvað ætli teljist eðlilegur tími fyrir svona frétt að berast heimsálfa á milli? Vika, mánuður, fjórir mánuðir? Það er hreinlega ómögulegt að segja.

Þótt skrípamynd birtist í dönsku dagblaði er ekkert sjálfgefið að annar hver maður í Jórdaníu fari að velta sér upp úr henni fyrir vikulokin. Stundum detta svona mál dauð niður, en í öðrum tilvikum verða þau stórmál - kannski af þeirri einföldu ástæðu að það var gúrkutíð í fréttunum og frægur fréttamaður ákvað að gera sér mat úr því.

Ef menn trúa ekki á fjölmiðlasamsæriskenningar, þá mætti skýra þá “heppilegu tilviljun” að fréttaflutningurinn í arabaheiminum kemur beint í kjölfar slyssins á pílagrímsferðinni í Mekka - einmitt með því að í pílagrímsferðinni í Mekka hittast múslimar frá mörgum löndum, t.d. frá Danmörku. Mætti ekki einmitt búast við að þær kringumstæður væru vænlegar fyrir menn að tala sig upp í að verða öskureiðir? Spyr sá sem ekki veit.

Mér finnst þetta ekki vera trúverðug kenning um Sádana - sérstaklega þar sem það voru danskir múslimaleiðtogar sem gengu í það að afla alþjóðlegs stuðnings - en ef til vill hafa Sádar viljað ýta undir það og ef til vill ekki.

Það má vel vera að danskir múslimar hafi safnað þessu saman (og reyndar bætt í verri myndum) en það verður að teljast ólíklegt að þeir hafi mikil völd til að dreifa þessu út.

Hvers vegna ættu menn að ganga af göflunum í Lýbíu vegna þess að harðorðar skammargreinar birtast í ríkisreknum fjölmiðlum í Sádi Arabíu? Hér er skrifað eins og hinn múslímski heimur sé smáþorp.

Því er hvergi haldið fram að þetta sé eina ástæðan fyrir útbreiðslunni, heldur einungis að þarna hafi í fyrsta skipti þessi frétt farið í virkilega víða dreifingu. Hin lönd hafi svo apað þetta eftir Sádi Arabíu, enda það land gríðarlega áhrifamikið meðal múslima.

Mætti ekki einmitt búast við að þær kringumstæður væru vænlegar fyrir menn að tala sig upp í að verða öskureiðir? Spyr sá sem ekki veit.

Jú, og það er akkúruta pointið með greininni. Að yfirvöld í Sádi Arabíu byrjuðu að birta þessar fréttir á meðan að gríðarlegur fjöldi pílagríma var enn í landinu. Ég hef allavegana ekki heyrt margar meiri sannfærandi kenningar um ástæðu þess að þetta breiðist út akkúrat núna.

Tja, tökum sem dæmi Söngva Satans eftir Salman Rushdie.

Sú bók kom út 1988 og varð þá þegar umdeild. Það var hins vegar ekki fyrr en um miðjan febrúar 1989 að Æjatolla Kómeiní fordæmdi bókina - þá hálfu ári eftir útkomu hennar. Í kjölfarið varð fjandinn laus.

Morð og morðtilræði við nokkra þýðendur og útgefendur bókarinnar á Vesturlöndum áttu sér ekki stað fyrr en á árinu 1991, þremur árum eftir útkomu hennar. - Það er nefnilega athyglisvert að verstu grimmdarverkin vegna bókar Rushdies voru ekki framin meðan fárið var í hámarki og mestur æsingur í mönnum, heldur af yfirlögðu ráði mun síðar. Þessi staðreynd hlýtur að valda dönsku ritstjórunum og teiknurunum sérstökum áhyggjum.

Ég get þess vegna ekki skilið hvers vegna menn ættu að þurfa að undrast þennan fjögurra mánaða biðtíma og reyna að skýra hann með einhverju samsæri Sádanna?

Jú, góður punktur varðandi Rushdie.

Ég var að klára að lesa Tipping Point og það er gaman að velta fyrir sér hvar “tipping point” kemur í þessu máli. Eitthvað hlýtur það að vera og það væri verðugt rannsóknarefni

Þetta er ekkert samsæri Sáda, heldur einungis sniðugt PR til að losna við leiðinlegar fréttir af sjálfum sér.

Það kann vel að vera rétt að hatrömm skrif í Sádi Arabíu meðan á Pílagrímsförinni stóð séu neistinn sem kveikti bálið - það hljómar meira að segja mjög sennilegt.

Ég er að lesa greinina sem þú linkar á og linkana sem hún bendir á.

En fyrirfram finnst mér mjög hæpið að þetta hafi bara snúist um að losna við óþægilega umfjöllun - væri ekki t.d. líklegra að ferðalangarnir frá Danmörku hafi t.d. stefnt að því að nota tækifærið þegar pílagrímsferðirnar stæðu yfir til að vekja athygli á málinu.

Það eru mjög margir fletir á því af hverju mótmælin verða svo mikil og það er gríðarleg einföldun að gera vandræði stjórnvalda í Sarabíu að lykilatriði af þessum toga.

Í greininni sem þú linkar á segir á einum stað: “Hvað gerðist? Það þarf blogg til að útskýra það,” og þar með er linkað á www.muttawa.blogspot.com. Það er sennilega eina heimildin sem þeir hafa fyrir því að arabísk stjórnvöld hafi fyrirskipað þetta og sú eina sem þeir linka á.

Þetta er annars mjög athyglisvert blogg, skrifað á ensku af frjálslyndum múslima búsettum í Bretlandi sem virðist mjög uppsigað við stjórnvöld í S-Arabíu þar sem hann er uppruninn. Mér sýnist greinin sem þú vísar í hafa misskilið, eða í besta falli gert allt of mikið úr bloggum sem hann kallar minnisblöð. Þar setur hann sig í spor embættismannsins sem skrifar memo til his majesty og fagnar árangrinum sem næst. Þetta blogg sem greinin vísar í sem skýringu er fyrst og fremst napurt en jafnframt beitt háð gagnvart arabískum stjórnvöldum.