« Jafnrétti? | Aðalsíða | Tónlistarblogg: Girl from North Country »
Endalok uppboðsins
Jæja, uppboðinu er lokið. Það tók yfir tvo mánuði að klára öll mál tengd þessu átaki mínu.
Ég seldi nánast allt geisladiska- og dvd safnið mitt ásamt alls konar dóti, sem ég hafði litla þörf fyrir í mínu lífi.
Íbúðin og geymslan mín eru aðeins tómlegri en fyrir, en þó finn ég ekki mikið fyrir því´að þetta dót sé farið. Sem segir ansi mikið um það hversu mikið af drasli manni tekst að safna saman í gegnum árin.
Ég fékk einnig frjáls framlög frá fólki í kringum mig og fólki, sem les þessa síðu og einnig gaf ég sjálfur aðeins meira en 15% af desember laununum mínum.
Niðurstaðan? Jú, ég safnaði samtals:
500.000 krónum
Það er svo miklu, miklu meira en ég átti von á í upphafi. Viðbrögðin voru miklu meiri en ég vonaðist eftir og ég hef haft ótrúlega gaman af því að standa í þessu. Ég hef talað við fullt af skemmtilegu fólki útaf þessu og þetta hefur víða vakið athygli.
Ég vil þakka öllum, sem tóku þátt í þessu. Sérstakt hrós fær Ólöf frænka mín, sem gaf peninga sem hún safnaði með því að safna saman dósum í hverfinu sínu. Ég þakka öllum, sem keyptu hluti á uppboðinu og sem lögðu sína peninga í þetta átak með mér. Ég er viss um að peningnum okkar er vel varið hjá Oxfam.
Peningurinn allur (um 7.500 dollarar) mun allur fara til hjálparstarfs Oxfam í Mið-Ameríku, þar sem hálf milljón króna er mikill peningur. Ég millifærði peningana til Oxfam síðasta föstudag og ég treysti Oxfam mjög vel til þess að koma þessum peningum í góðar hendur. Ég mun setja inn hérna staðfestingar frá Oxfam fyrir peningagjöfinni þegar þær koma.
Ummæli (10)
Til hamingju með þennan árangur! Þetta var frábært framtak hjá þér og það var virkilega gaman að fá að taka þátt í þessu. Til hamingju, aftur. 
Áhugaverðasti hlutinn af þessu öllu ætti að vera afhverju Oxfam umfram aðra fengu þennan pening þar sem nokkuð margir mættu huga ekki einungis að því að dreifa auð sínum og tíma til þeirra sem minna mega sín heldur oft á tíðum mun betur. 
Væri gaman að heyra hvað hefði leitt þig að Oxfam.
Ég hef lesið mikið um hin ýmsu samtök og bæði hugleitt að gefa þetta til stærri samtaka, sem og minni. Var búinn að leita mér að upplýsingum m.a. hér og í þeim tenglum, sem er þar bent á.
Undantekningalaust hafði Oxfam gríðarlega gott orð á sér fyrir verkefni, sem og peningastjórnun. Já, eflaust eru þeir ekki fullkomnir og þú lumar eflaust á einhverjum sögum af þeim (ef marka má orðalagi á kommentinu), Daði - en eftir mjög ítarlega skoðun ákvað ég að þau væru besti kosturinn.
Til hamingju, þetta framtak er til fyrirmyndar
Stórglæsilegt!
Þú ert öðrum góð fyrirmynd
Reyndar er það alveg mesta furða að ég luma ekki á neinum góðum sögum af Oxfam en aftur á móti bara unndið með Oxfam UK sem voru mjög hjálplegir. Ég set bara almennt spurningarmerki við bandarísk samtök (eða bandarísk útibú) vegna þess að hugmyndafræði þeirra er oft á tíðum vafasöm og frábrugðin annara.
Og ég hefði kannski átt að lesa yfir það sem ég skrifa en ég var meira að benda á að framtak þitt þó það var frábært, aðdáunarvert í alla staði og veitir vonandi innblástur til margra þá eru mjög mörg hjálparsamtök sem beinlínis gera ógagn eða sökum yfirbyggingar skila aðeins broti af peningunum til þeirra sem þurfa en eru á sama tíma gríðarlega vinsæl og öflug í að draga að sér góðgerðarmenn og konur.
Ég biðst afsökunar ef þú hefur tekið þetta annars tel þín sem ég skrifaði, eins og áður hefur verið sagt betur af öðrum og mér: virkilega aðdáunarvert framtak.
Minni aftur á fyrri yfirlýsingar mínar um að sækja um starf í þróunarlöndunum, nóg af verkefnum fyrir hagfræðing með hugmyndafræðina á réttum stað að finna þar. 
Takk
Athugið að það tekur smá tíma að hlaða síðuna aftur eftir að ýtt hefur verið á "Staðfesta".
Hægt er að nota HTML kóða í ummælunum. Hægt er að nota a href, b, br, p, strong, em, ul, li og blockquote
Ég áskil mér allan rétt til að eyða út ummælum, sem eru á einhvern hátt móðgandi, hvort sem það er gagnvart mér sjálfum eða öðrum. Þetta á sérstaklega við um nafnlaus ummæli.
|
|
 
|
Ummæli:
|
|
Flokkar
Almennt | Bækur | Dagbók | Ferðalög | Fjölmiðlar | Hagfræði | Íþróttir | Kvikmyndir | Liverpool | Myndablogg | Myndir | Netið | Sjónvarp | Skóli | Stjórnmál | Tónleikar | Tónlist | Topp10 | Tækni | Uppboð | Viðskipti | Vinna |Leit:
Síðustu ummæli
-
Einar Örn: Takk
...[Skoða]
- Gummi H: Frábært framtak hjá Einari og sýnir vel hvað hægt ...[Skoða]
- Daði: Reyndar er það alveg mesta furða að ég luma ekki á ...[Skoða]
-
Heiða Björk: Stórglæsilegt!
Þú ert öðrum góð fyrirm ...[Skoða] - Maja: Til hamingju, þetta framtak er til fyrirmyndar :s ...[Skoða]
- Einar Örn: Ég hef lesið mikið um hin ýmsu samtök og bæði hugl ...[Skoða]
- Daði: Áhugaverðasti hlutinn af þessu öllu ætti að vera a ...[Skoða]
- Finnbogi: Frábært. Til hamingju með árangurinn. Og já, ég á ...[Skoða]
- Kristján Atli: Til hamingju með þennan árangur! Þetta var frábært ...[Skoða]
- Palli: Frábært framtak hjá þér, það ættu fleiri að taka þ ...[Skoða]
Myndir:
Gamalt:
Topp 10:
Ég nota MT 3.2
Frábært framtak hjá þér, það ættu fleiri að taka þig til fyrirmyndar.